wintervelsorg
wintervelsorg

Ses goeie wintervelsorggewoontes

Gedurende die kouer maande het jou vel spesiale sorg nodig; hier is vyf goeie wintervelsorggewoontes wat jy gerus deel van jou skoonheidsroetine kan maak terwyl jy hiberneer.  Deur Suzanne Kotzé

28/06.2024

Maak hierdie wintervelsorggewoontes deel van jou skoonheidsroetine

1. Bevog van binne

Verwarmers, lugversorging en ’n droër omgewing ontneem jou vel van sy vog. Ons is ook geneig om meer warm drankies soos koffie en tee te drink (wat ons dehidreer) en minder water te drink. Onthou om steeds water deur die dag te drink. Dit help as jy ’n groot waterbottel het waaraan jy deur die dag drink.

2. Begin met retinol

Die meeste dermatoloë stem saam dat retinol steeds ’n superbestanddeel is. Bly jy in die Kaap, is dit is veral goed om gedurende die winter met retinol te begin wanneer die humiditeit hoër is as gevolg van winterreën. As jy in areas bly met droë winters, kan die retinol jou vel aanvanklik droog en styf laat voel. Sodra die uitwerking van vitamien A inskop, word jou vel se natuurlike bevogtigingstelsel ook meer aktief.  Vitamien A stimuleer veral die produksie van hialuroonsuur (juis daarom ook ’n gewilde bestanddeel in vogrome) wat help dat jou vel vog behou en meer gehidreer is.

Die aanvanklike droogheid wat dus jy mag ervaar, help op die ou end dat jou vel meer bevogtig is. En dan het dit natuurlik ook ’n hele rits teenverouderingsvoordele. Onthou elke retinol en retinol afgeleide produk is verskillend, en daarom is dit baie belangrik om altyd die instruksies noukeurig te volg. Jy begin gewoonlik deur ’n Retinol produk elke tweede of derde aand te gebruik todat jou vel dit gewoond is.

Sommige veltipes is wel sensitief vir retinol en die eintlik sondebok as dit by velsensitiwiteit kom is, ‘tretinoin meer so as retinol,” sê dermatoloog dr. Suretha Kannenberg.

Probeer

Dermalogica Dynamic Skin Retinol Serum. Dermalogica noem hierdie ’n multi-retinoid serum, omdat dit ’n mengsel van retinol, retinol-afleidings  en retinol-esters bevat wat saamwerk om plooie, tekstuur en vergrote porieë aan te spreek. Dit bevat ook produkte wat jou vel bevogtig en streel. Hierdie een is beslis volgende op ons probeer lysie.
ISDIN Retinal Intense Retinaldehyde anti-wrinkle night serum is ’n tweefase-nagserum wat aan die een kant ’n kominasie van strelende water en ligte olie bevat en aan die ander kant aktiewe bestanddele.. Saam help dit met velhernuwing en elastisiteit.
Endocare Renewal Retinol Intensive Serum Hierdie serum wat (0.5% suiwer retinol bevat) help om jou vel te vernuwe, ouderdomsvlekke en plooitjies te verminder en te help met verferming. Dit is ideaal om te gebruik as jou vel reeds gewoond is aan retinol.
Neostrata Potent Retinol Complex bevat 0,3% retinol en ook hialuroonsuur, niasinamied en hialuroonsuur) en nog strelende bestaddele wat help om moontlik retinol irritasie te verminder.

As jy sensitief is vir Retinol, probeer gerus die nuwe Nuxuriance Ultra ALFA [3R] reeks. Dit is ‘n natuurlike alternatief tot retinol. Lees meer hier.

3. Reinig reg

Kies ’n strelende reiniger wat sagkens werk omdat reinigers jou vel kan uitdroog. As jy ’n reiniger gebruik wat glikol- of salielsuur bevat, wissel dit af met ’n reiniger wat ook bevogtigende bestanddele bevat.

Dermalogica Special Cleansing Gel Hierdie topverkoper reiniger bly een van ons gunstelinge; dit werk sagkens, is seepvry en skuim steeds.
Novexpert Cleansing Oil is ’n gesertifiseerde organiese reiniger wat vyf verskillene omega olies bevat om te hidreer terwyl dit skoonmaak.
Eau Thermale Avène Xeracalm Cleansing Gel werk wonderlike vir droë en sensiteiwe vel, en jy kan dit op jou lyf en gesig gebruik. Die ou gunsteling bevat nou 99% bestanddele van natuurlike oorsprong. Dit is heerlik om in die stort en ook die familie-badkamer te hou vir almal se gebruik.
Gatineau Age Benefit Melting Cleansing Elixer. Die tekstuur van hierdie reiniger is heerlik strelend en luuks. Die balsem smelt behoorlik jou grimering weg. Dit word aanbeveel dat jy hierdie as stap een in jou dubbelreiningsroetine gebruik om grimering te verwyder, gevolg deur die Gatineau Gentle Foaming Cleanser.

4. ’n Serum wat hidreer

As jou vel gewoonlik tydens die winter droog en styf voel, is jou vel waarskynlik gedehidreerd en nie droog nie. Droë velle (gewoonlik geneties en die veltipe wat jy van jongs af het) het ’n tekort aan sebum, terwyl gedehidreeerde velle ’n tekort aan vog of water het.  Lees meer oor gedehidreerde vel in die winter Moets en moenies vir wintervel

Dit is baie algemeen om gedurende die winter ’n gedehidreerde vel te hê. Die antwoord hiervoor is nie noodwendig ’n ryker room nie (dit mag dalk te ryk wees vir kombinasie en olierige velitpes), maar ’n serum wat hidreer.

Probeer

Eau Thermale Avène Hydrance Boost bly een van ons gunsteling sakpas serums vir hidrasie. Dit bevat hialuroonsuur (wat bevogtig), niasinamied (wat hidreer en verhelder) en natuurlik Eau Thermale Spring Water.
Clarins Hydra-Essential Bi-Phase Serum bevat dubbel hialuroonsuur (in verskillende groottes om verksillende dieptes te penetereer) en saffraanblomekstrak wat help om jou vel te hidreer en op te plomp.
Vitaderm Rapid Hydration Serum. Ons is beïndruk met die hierdie plaaslike serum. Behalwe hialuroonsuur bevat dit ook ‘n spesiale formule (Aqua Cell en Fusion Lite) wat ook help om jou vel te verferm en te lig.

5. Maak tyd vir ‘n masker

Gee jou vel ekstra hidrasie en voeding met ‘n masker. Maak dit deel van jou selfsorgroetine een of twee keer per week. Maak ‘n koppie tee, sit jou kopband aan en jou foon af en fokus net op jouself vir ‘n paar minute.

Novexpert Masque SOS Ultra Nourishing SOS Mask is ideaal vir droë wintervel. Die Franse reeks is vegansities, ornasies en hipo-allergenies.
Hieride Sisley Velvet Sleeping Mask is gefomuleer om te werk terwyl ons slaap. Dit bevat safraanblom om jou vel te herstel terwyl jy slaap.

6. Moenie van jou lyf vergeet nie

Net soos jou gesig, is jou lyf ook gedehidreer, maar die meeste van ons is ekstra lui vir lyfroom gedurende die koue winter. As jy gereeld Stylvol lees, sal jy weet dat ons reuse Nuxe Huile Prodigeuse aanhangers is. Dit is werklik danksy hierdie olie dat ons lywe gedurende die winter bevogtig word. Jy spuit die olie (wat ongelooflik ruik) op jou klam vel nadat jy uit die bad of stort geklim het. Jy kan dit natuurlik op droë vel ook aanwend, maar dit werk veral goed op ’n klam vel.

(Ek hou ’n klein toetsgrootte botteltjie in my kar vir noodgevalle en smeer dit ook aan wegvlieghaartjies en droë naelvliesies.)

Eau Thermale Avène Xeracalm Moisturizing Lotion kan op jou lyf en gesig gebruik word, en is ‘n ware familie-staatmaker in ons huis.

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
sperfunksie
Wat is jou vel se sperfunksie en hoe hou jy dit gesond.
error: Content is protected !!