Stylvol mede-werkers

Liezel Engelbrecht is verantwoordelik vir baie van ons ‘eet gesond’ artikel. Liezel is ’n geregistreerde dieetkundige van Kaapstad. Voor haar loopbaan as dieetkundige het sy 10 jaar lank in die mediabedryf gewerk as leefstyljoernalis, inhoudskepper en tydskrifredakteur. Sy behandel kliënte in haar virtuele praktyk en is ook ’n voedingsinhoudskepper. Jy kan haar kindervoedingsgids vir ouers bestel deur vir haar ’n e-pos te stuur. Jy kan ook haar nuwe wetenskap-gebaseerde voedingsleefstylgids wat binnekort te koop gaan wees, voorafbestel  of aansoek doen vir ’n konsulteringspakket.

liezel@liezelthedietitian.com

www.liezelthedietitian.com

Of volg haar op Instagram @LiezelTheDietitian

Martie Pansegrouw se loopbaan het begin as taalonderwyseres. Na ’n paar jaar oorsee word sy dosent in Afrikaans, Engels en Kommunikasie.

Daarna volg ’n aantal jare as uitgewer van boeke vir Perskor en later Maskew Miller Longman. Sy kry toe haar droomwerk by rooi rose (waar sy meer as 15 jaar die redakteur was) en die res is geskiedenis.

Taal is my passie, veral om Afrikaans lewendig en soepel te hou, en dis groot pret om saam met ander taalgebruikers te soek na nuwe terme en lekkersê-uitdrukkings.”

Stuur gerus vir Martie ‘n epos na: martiemc@telkomsa.net indien jy van haar dienste gebruik wil maak.

Martie se dienste sluit in

• taalversorging
• proeflees
• vertaling (Afrikaans en Engels)
• skryf en spookskryf

• Gerda Kriel is ’n kliniese sielkundige wat in Somerset-Wes praktiseer. Sy is verantwoordelik vir baie van ons emosionele welwees artikels. Besoek gerus haar webwerf helderbergpsychology.com