plantgebaseerde dieet

’n Plantgebaseerde dieet; al die verskillende tipes

Daar is verskillende redes waarom mense ’n plantgebaseerde dieet kies. Vir sommiges gaan dit oor dierebeskerming, vir ander oor gesondheidsredes, omgewingsaspekte of as gevolg van smaakvoorkeure. Sommige mense doen dit selfs as gevolg van sosiale druk of nuuskierigheid. Deur Liezel Engelbrecht, RD (SA)

Kyk die video oor ’n plantgebaseerde dieet hier:

Wat is ’n plantgebaseerde dieet?

’n Plantgebaseerde dieet fokus op groente, grane, peulgewasse (lensies, bone, grondboontjies), neute, sade en vrugte, met min of geen diereprodukte nie. Sommige mense vind dit moeilik om te glo maar dié tipe dieet  kan ’n gesonde, aktiewe leefstyl ondersteun. Dit kan ook uiters bekostigbaar wees, smaaklik wees én gesondheidsvoordele inhou.

Verskillende tipes plantgebaseerde diëte:

Lakto-vegetariërs: eet suiwel, maar sluit eiers, vleis, pluimvee en seekos uit.

Ovo-vegetariërs: eet eiers, maar vermy alle ander diereprodukte, insluitend suiwelprodukte.

Lakto-ovo vegetariërs: eet suiwel en eiers, maar nie vleis, pluimvee of seekos nie.

Veganiste: eet glad nie diereprodukte (dus ook geen heuning, suiwel of eiers nie).

“Pescatarians”: eet vis en/of skulpvis, maar nie ander diere-produkte nie.

Semi-vegetariërs (of fleksitariërs): eet af en toe vleis of pluimvee.

Begin só:

As jy nuut begin met ’n plantgebaseerde manier van eet, begin eenvoudig:

  • Vervang sekere diereprodukte in jou daaglikse eetpatroon met plantprodukte, byvoorbeeld, vervang maalvleis met lensies of bone, vervang jou ontbyteiers met hawermout en sojamelk, vervang kaas op jou toebroodjie met tamaties en hoemoes of grondboontjiebotter.
  • Onthou om goed te beplan en notas te maak van hoe jy voel. As jy skielik baie moeg begin voel of gewig verloor of aansit, gaan praat met ’n dieetkundige wat jou eetplan kan analiseer en help om te eet vir volgehoue energie en gesondheid.
  • Kies ’n plantdieet wat jou leefstyl die beste pas en begin deur klein veranderings te maak

Waarvoor om versigtig te wees:

Lees die etikette versigtig:

  • Baie geprosesseerde kosse kan heuning, gelatien, eiers, vitamien D afkomstig van diere, of proteïen afkomstig van diereprodukte (bv suiwel) bevat
  • Sekere vleisalternatiewe, soos soja-worsies, kan ultra-verwerk wees, wat beteken dit bevat meer sout, vet en bygevoegde middels as heelkosse.
  • Sekere melk-alternatiewe bevat ook baie ekstra olies en sout.
  • As jy ’n plantgebaseerde dieet aanpak, moet jy seker maak jy kry steeds al die nodige voedingstowwe in.

Lees ook:

Aanvullende bronne: bda.uk; vegansociety.com.

Besoek gerus die Vereeniging vir Dieetkundiges in Suid-Afrika (ADSA) se webwerf vir meer ingligting oor dieetkundiges in jou omgewing. www.adsa.org.za

Oor ons

Stylvol sosiale media

Nog Stories
Cintaine Schutte; díe holistiese welsyn tegnieke
Cintaine Schutte; díe holistiese welweestegnieke het my gehelp
error: Content is protected !!