Hierdie maklike hoendergyro het ’n staatmaker in ons huise geword. Van ’n vinnige aandete tot vir kosblikke met die oorskiet. Boonop kan jy dit sommer in jou lugbraaier gaarmaak! Deur Suzanne Kotzé. Foto’s Tegan Smith
Ons het hierdie hoendergyro en groosterde aartappels in ’n Instant Vortex VersaZone with ClearCook lugbraaier gaargemaak.
Bestanddele vir hoendergyro
- 3-4 hoenderborsies (afhangend van grootte)
- Olyfolie (Willowcreek se aanspuit olyfolie werk wonderlik as jy ’n lugbraaier gebruik.
- 500g baba-aartappeltjies
- Slaaiblare (ons verkies ’n mengsel van roket en botterblare)
- Babatamaties om te rooster
- Sprietuie
- Onpitte olywe
- Tzatziki-sous
- 250ml Griekse joghurt
- Komkommer
- Vars kruisementblare opgekap
- Knoffel
- Suurlemoen
- 4 platbrode of pitas (Ons koop graag platbrode by ’n Libanese bakery in Claremont, Kaapstad, hiervoor)
Gyro speserymengsel
- 1 Eetlepel gedroogde oreganum
- 1 Eetlepel paprika (ons verkies die gerookte paprika)
- ¾ teelepel komyn
- ¾ teelepel knoffelpoeier
- ½ teelepel uiepoeier
- 1 ½ teelepel sout
- ¾ teelepel peper
Maak dit so
Hoender
- Spuit of vryf hoenderborsies liggies met olyfolie
- Meng die gyro-speserymengsel en vryf dit oor die hoenderborsies
- Bak teen 180°C vir 20 minute
Aartappels
- Sny die aartappeltjies in die helfte en spuit of bedruip liggies met olyfolie
- Vryf die gyro-mengsel oor
- Bak teen 200 °C vir 20 minute
Tzatziki
Rasper min of meer 2 koppies komkommer (net so met die skil aan), gooi bietjie sout oor en plaas dit in ’n sif sodat oortollige vog kan uitdrup.
Kap kruisementblare fyn en roer dit, die knoffel en so min of meer 1 eetlepel suurlemoensap by die joghurt in. Roer die komkommer by en hou eenkant.
Bou jou gyro
Die lekkerste ding van gyro’s bou, is dat jou gesinslede elkeen self kan bysit wat hulle wil hê.
Ons bedien die geroosterde aartappels as ’n bygereg, maar sommige mense verkies om dit ook in die gyro te sit.
NS Jy kan hierdie ook in pita’s sit as jy dit verkies.
