Drie vroue se geheime vir glansende vel

Ons het ’n obsessie met glansende vel en het drie vroue; ’n dermatoloog, Dr Suretha Kannenberg, grimeerkunstenaar, Reneé de Wit en estetiese velkenner Sonette Donker gevra vir hul geheime om van dowwe vel ontslae te raak. Deur Suzanne Kotzé

Ons jeugdige, glansende velle verdwyn stadig maar seker soos ons ouer word. Die meeste van ons sukkel met ’n dowwe gelaat en veral die boonste lagie van ons vel se vogvlakke raak uitgeput as gevolg van veroudering. Jonger velle hernu hulself ook elke drie tot vier weke, terwyl ouer vel slegs elke vier tot ses weke hernu. Dit kan lei tot ’n opeenhoping van dooie velselle, wat jou vel dof kan laat vertoon en ook veroorsaak dat jou velsorgprodukte nie behoorlik kan penetreer nie. So dowwer, droëer vel is baie algemeen en as jy hiermee sukkel is jy nie alleen nie.

Die dermatoloog se geheim vir ’n glansende vel

Dr. Suretha Kannenberg deel met ons wat jy moet doen vir ’n glansende vel

1. Daaglikse vitamien A-room 
2. Gereelde in-office prosedures soos chemiese afskilferings en Dermapen (microneedling)
3. Tussenin weeklikse ligter tuis chemiese afskilferings 
4. Sonbeskerming – reeds vanaf kinderjare
5. ’n Goeie vogroom – geformuleer vir jou vel tipe
6. ’n Gesonde gebalanseerde dieet
7. Plooie laat definitief jou vel minder glansend lyk. Dit is maklik om aan te spreek, maar moet gedoen word voordat lyne permanent raak. Botulinum toksien (spierverslappende inspuitings) help nie net met plooie nie, maar verminder ook sebumproduksie in die omliggende vel, maak porieë kleiner en laat jou vel dus baie gesonder vertoon. (Onthou as lyne permanent raak, dan is vullers die enigste antwoord.
8. Velopknapping met ligte oppervlakkige vullers. (Soos Volite of Restylane Vital of Vital light – ‘Skin boosters

Psst: Dr. Kannenberg se praktyk is in Durbanville, Kaapstad, maar jy kan ook ‘n aanlyn konsultasie met haar doen. Klik hier: dr.derma.co.za

Die grimeerkunstenaar se geheime vir glansende vel

Renée de Wit beveel die volgende aan

1. Maandelikse chemiese afskilfering (peels) is ’n moet.
2. Micro-needling ten minste vier keer ’n jaar.
3. Gebruik ’n reiniger wat ook afskilfer. (ZO Skin Health Exfoliating Polish is een van my gunstelinge. Nog ’n gunsteling vir afskilfering is Elemis Dynamic Resurfacing pads om dooie velletjies te verwyder.
4. Ek Dermaplane my vel een keer per maand. Dit is fantasties vir mense met peach fuzz (ligte, donserige haartjies op jou gesig). Dit help ook dat jou onderlaag perfek aanwend en bly op jou vel. Lees meer oor Dermaplane hier: Stylvol toets Dermaplaning
5. Ek gebruik ook daagliks ’n Vitamien C-serum (my gunsteling is Matriskin Vit C serum) om my vel plomper te laat vertoon.
6. Vir ekstra hidrasie en ’n vel wat meer opgeplomp lyk, sit ek ’n druppel hialuriensuur (Matriskin Hyaluronic is tans ’n gunsteling) by my onderlaag.  
7. Ek drink daagliks kollageenpoeier. Skoon het fantastiese opsies om van te kies soos Skoon Skin Beauty Smoothie. Lees meer hier: Alles in een skoonheidskommel.
8. Gebruik onderlaag wat velsorgbestanddele bevat soos LaMer Soft fluid foundation. Dit hidreer jou vel deur die dag.
9. Gebruik lang-aanbly lipstiffie as blosser, dit lyk vars en douagtig.
10. Plaas ’n klein bietjie illuminator (produk wat beklemtoon) of balsem op die uitstaanpunte van jou gesig soos jou wangbene, die brug van jou neus en jou kupidobogie. Ek hou van WBeauty se Illuminating Primer of MAC Strobe Cream.

Volg Renée gerus op Instagram

Die estetiese-velkenner se geheime vir glansende vel

Sonette Donker estetiese-velkenner en eienaar van Skin id in Johannesburg se aanbevelings

1. Gereelde afskilfering

Ons raak daagliks van velselle onstlae (shed), maar soms het ons vel hulp nodig met die proses. As daar ’n opeenhoping van dooie velselle is, lyk ons dof, want die velselle sit op die oppervlak van ons vel. Hidroksiesuur is wonderlik om hiervan ontslae te raak. Gebruik twee tot drie keer per week’n afskilferaar wat hidroksiesuur bevat of gebruik ’n reiniger wat sagte hidroksiesuur bevat.

Dermaceutic Foamer 15 (R790, uitgesoekte medi-spas, salonne en aanlynwinkels soos DermaStore) bevat 15% glikolsuur en laat jou vel glansend lyk nog voordat jy room aangesmeer het.

2. Gebruik olie

Hierdie is veral belangrik gedurende die winter, aangesien die oliereserwes van ons vel laer is gedurende winter. Gebruik gesigolie bo-oor jou bevogtiger of jy kan selfs twee tot drie druppels by jou onderlaag inmeng. As ek internasionaal vlieg hou ek my olie by my en wend elke paar uur olie bo-oor my onderlaag aan.

3. Hidreer jou vel

’n Gededihidreerde vel lyk dof en leweloos. Gee jou hidrasie ’n hupstoot met produkte wat hialuriensuur, Pantenol, Aloe Vera en heuning bevat. Verminder ook jou kafeïen- en alkohol-inname.

4. Geen poeier

Poeier bo-oor jou onderlaag kan jou vel dof laat lyk. Belê in ’n roomonderlaag wat ook bevog en hidreer.

5. Chemiese afskilfering

Laat doen ’n professionele chemiese afskilfering elke vier tot ses weke. Dit sal ’n hele paar lagies dooie vel verwyder en gehidreerde nuwe velselle stimuleer en jy sal pragtige glansende vel hê, veral die eerste een tot twee weke na jou behandeling.

Dermaceutic K Ceutic is wonderlik om na jou afskilfering te gebruik. My kliënte is mal daaroor en dit bevat ’n hele rits goeie bestanddele soos byewas, vitamien K, Vitamien C en E en vele meer.

Nuwe Stylvol gunstelinge vir glansende vel

Ons het die afgelope ruk hierdie produkte ontvang en getoets

Exuviance Professional Total Correct Wash (R660, Dermastore, Skinmiles)

Die romerige mousse bevat poli-hidroksiesuur (poly-hydroxy acid) wat sagkens afskilfer en botaniese bestanddele wat heel en streel. Dit voel heerlik en verwyder sommer ook ons daaglikse ligte grimering.

Exuviance Professional Vespera Bionic Serum (R745, Dermastore, Skinmiles)

Hierdie serum bevat poli-hidroksie suur wat liggies afskilfer, vitamienes en mariene botaniese betanddele wat help om selhernuwing aan te moedig. Die help ook met hidrasie en ’n helderder vel en ek kan beslis sien dat my vel meer glansend lyk na die gebruik van die serum. Die tekstuur is wel effens taai. Dit pla my nie, maar as jy een van daardie mense is wat baie sensitief is vir tekstuur mag dit jou dalk pla. Die serum word ook aanbeveel om ná estetiese prosedures soos afskilfering en mikronaaldbehandeling te gebruik.

Neostrata Resurface Glycolic Renewal Serum (R830, Dermastore, Skinmiles en uitgesoekte dokters, dermatoloë en medi-spa’s)

Hierdie serum bevat 10% alfa-hidroksiesuur wat help om jou vel se tekstuur te verbeter en help ook met fyn lyntjies en plooie, oneweredige veltoon en vergrote porieë. As jou vel nie gewoond is aan glikolsuur nie, mag dit aanvanklik effense prikkelrig voel.

Nimue Thermoflash Peel (R399, uitgesoekte salonne)

Hierdie afskilferings-masker kan een keer per week vir 10 minute lank aangewend word. Dit bevat salisielsuur en ook bestanddele wat help om jou vel fermer te laat voorkom. Dit word nie vir sensitiewe velle aanbeveel nie. Ons het egter geen sensitiwiteit hiermeer ervaar nie. Psst gebruik dit gerus op die agterkant van jou hande ook!

Filorga Lift-Structure Radiance Ultra-lifting Rosy-glow Fluid (R950, Just Skin Clinic)

Jy kan sommer aan die appelkooskleur van hierdie room sien dat dit jou meer glansend sal laat lyk. Dit bevat ook pêrelagtige deeltjies wat ekstra glans gee.

Lift-Structure Radiance Ultra-lifting Rosy-glow Fluid. Dit bevat ook bestanddele wat liggies afskilfer en help met verferming en hialuriensuur wat help met bevogtiging om die vel plomper en fermer te laat lyk. Ideaal om as dagroom te gebruik vir vroue van 40 plus.

Clarins Extra Firming Energy Radiance Boosting Day Cream (R1095)

Die dagroom het ook ’n appelkooskleur met pêrelagtige deeltjies vir ekstra glans. Kenmerkend aan Clarins bevat dit botaniese bestanddele, van goji bessies tot woestyn-dadels, en ruik heerlik. Die room help ook met verferming. Jou vel lyk glansender en dit voel heerlik luuks en streel jou sintuie as jy dit aansmeer.