Hiberneerweer het aangebreek en indien jou huis ook yskoud raak tydens winter is hier 5 warmblywenke om jouself en jou huis warm, knus en meer snoesig te laat voel. Deur Justine Kroes
09/05/2025
1. Bio Ethanol Verwarmers
’n Blitsige manier om jou spasie warmer en meer knus te laat voel sonder die moeite van vuurhout, rook en kaggel skoonmaak.
Hierdie slim bio-ethanol “op die tafel staan” verwarmers werk so goed – nie net vir warm en knus bly nie maar sommer ook vir malvalekkers braai in die middel van jou leefarea! Daar is ’n klomp verskillende opsies beskikbaar, die meeste werk met Bio-ethanol.
Hoekom ons daarvan hou:
- Dit lyk super stylvol en laat jou spasie dadelik warm en knus voel.
- Bio-ethanol is ’n omgewingsvriendelike brandstof
- Kan binne en buite gebruik word
- Rook nie
- Maklik en vinnig om te gebruik
- Jy kan dit enige plek neersit
Hier is ’n paar op ons wenslysie:
2. Stylvolle verwarmers
Jou verwarmer hoef nie noodwendig soos ’n seer duim in jou vertrek uit te staan nie, kies ’n ontwerp wat by jou huis se styl inpas. Verruil jou reuse ou verwarmer vir ’n moderne weergawe, een wat nie so baie spasie opneem nie, beter kragverbruik het en boonop mooi lyk in jou spasie.
Hier is ’n paar opsies:
3. Warmsakkies
Partykeer raak dit so bibberkoud selfs die verwarmer en ’n japon bo oor jou klere hou jou nie warm genoeg nie. Dan is ’n warmsakkie al wat jou warm hou! Hier is ’n paar opsies van mooi tot slim herlaaibare warmsakkies om oorweeg.
4. Koebaai koue koffie
Hierdie is ’n warmbly truuk wat ons dink superslim is! ’n Klein toestelletjie wat op jou tuis-werk lessenaar staan om jou drankies warm te hou – hoe slim!? Sal natuurlik werk vir enige Ma ook – ons koffie is al ewig koud!
5. Winterlakens en beddegoed
Winterlakens bly een van die maklikste maniere om jou dadelik meer warm en snoesig te laat voel. Dit verhoed daardie yskoue gevoel wanneer jy net in die bed klim en hou jou heel aand warm.
Loer hier vir al die nuutste winterbeddegoed op ons dekor radar: Winterslaapkamer – hierdie beddegoed wil ons nóu hê
