Het jy ook al moeg geraak vir jou ou vervelige glas blompotte? Boonop raak jou inspirasie vir rangskik net al hoe minder? Ons deel 26 unieke blompotte en blompot-idees wat enige tafel, spasie of boekrak dadelik sal opkikker plus ’n paar handige blompot stileertruuks om jou bietjie anders te laat dink oor jou blompot-stilering. Deur Justine Kroes
Blompotte en stileertrruks
Inspirasie-idees vir blompot stilering
1. Maak jou eie rangskikking
In plaas daarvan om ’n bossie blomme by jou kruidenierswinkel te koop besoek jou plaaslike bloemis of blomverkoper en stel jou eie keuse van blomme saam. Ja dit verg daardie ekstra tikkie moeite maar glo ons, die geluk wat dit jou bring is die moeite werd.
Jy kan kleure, die tipe blomme en die loof self kies om by jou spasie, tafel dekor of selfs net jou persoonlikheid te pas!
Probeer gerus ‘n “flower frog” met gaatjies wat rangskikking selfs nog makliker maak:
‘n Ikebana is nog ‘n indrukwekkende manier om jou blomme te rangskik:
2. Blare of takke uit jou tuin
Ons weet om blomme te koop is ’n luuksheid – maar dit beteken nie jou blompotte hoef leeg agter in ’n donker kas te staan nie.
Loer in jou (of jou buurvrou) se tuin en knip blare of takke af om jou blompotte te vul. Enigeiets van spekboom tot monstera en piesangboom blare en selfs bougainvillea takkies vol helder blommetjies.
3. Probeer kleiner blompotte
Groter is nie noodewnding altyd beter nie. Ons is tans gaande oor die gewilde terugkeer van piepklein “bud vases” elk met ’n enkele blom of takkie in.
’n Stelletjie van drie of meer is al wat jy nodig het om ’n etenstafel op te kikker (pragtig met kerse tussen in). Hierdie bud vases elk op hul eie is boonop die perfekte grootte vir ’n badkamer kassie of vir ’n bedkassie.
Unieke blompotte op ons dekor radar
3-Dimensionele Gedrukte Blompotte
Hierdie blompotte is eko-vriendelik en word deur middel van 3D printing geskep. Die materiaal is vanuit PLA ’n plant materiaal gemaak wat boonop bio-afbreekbaar is.
Papier blompotte en blomme
Hier praat ons nie van daardie blomme wat ons as kinders uit tissues gemaak het nie! Hierdie papier blomme en blompotte is pragtig, helder en sal enige spasie optower!
’n Goeie kopie wanneer jy wil hê jou blomme moet langer moet hou.
Studio Roof is eintlik bekend vir hul pragtige muurkuns papier skeppings maar kyk net hoe mooi is hierdie helder papier blomme.
Hierdie unieke papier blomhouers is beskikbaar op Babylonstoren se webtuiste ontwerp deur Maranda Engelbrecht:
Gemaak uit waterbestande papier gedruk met unieke antieke blompotte bo op. Skuif die papier blompot “sleeve” bo oor ’n vase wat daarin pas.
Unieke ontwerp blompotte:
Wie het gesê blompotte hoort vervelig te wees – kyk net hoe uniek is hierdie blompot ontwerpe, van voeltjies tot visse, suurlemoene en hande wat roomyse aanbied!
