somer vakansie skoonheidsprodukte
somer vakansie skoonheidsprodukte

Ons 10 moet-hê skoonheidsprodukte vir jou somervakansie

Of jy nou met Jan Tuisbly se karretjie ry of met vakansie gaan, hier is ons moet-hê skoonheidsprodukte vir jou somervakansie. Van lyfwas, tot room, sonskerm en haarsorg-produkte. Deur Suzanne Kotzé

Die ekstra son, swem en buitelug is heerlik, maar veroorsaak ook dikwels dat jou vel en hare ekstra sorg benodig. Hierdie is van die staatmakers wat gereeld in ons vakansie smuktassies is. Selfs al bly jy bly tuis die vakansie, is hierdie produkte ook heerlik vir elke dag gebruik.

10 Moet-hê skoonheidsprodukte vir jou somervakansie.

1. Groot lyfwas en -room vir die hele familie

Hierdie lyfwas en -room reinig en bevogtig so sagkens dat jy albei vir jou lyf en gesig kan gebruik. Jy hoef geen ekstra potjies room in te pak nie. Dit is heerlik strelend en geskik vir sensitiewe velle ook. 

Dit is ook in ’n room-weergawe beskikbaar, maar kinders verkies gewoonlik die ligter tekstuur van die ‘Fluid’. 

2. Hidrerende masker

Die meeste van ons bring meer tyd in die buitelug en langs die swembad of by die see deur. Die kombinasie hiervan laat dikwels ons velle droog en gedehidreerd voel. Ons eet en drink ook meer ongesond, en dit kan alles ’n uitwerking op ons velle hê. Jou vel kan dalk ook meer sensitief voel as gevolg van ’n kombinasie van al hierdie faktore. ’n Masker wat hidreer, streel en voed sonder enige parfuum is ’n goeie keuse. 

Hierdie is van die gunstelinge wat ons graag inpak. Gebruik dit minstens drie keer per week. Wenk: ons gebruik dit graag saans voor ons gaan slaap en hou dit sommer aan en was eers die volgende oggend in die stort jou gesig. 

Lamelle Serra Mask
Lamelle Serra Lipid Recovery Mask (R475) help om jou vel se sperfunksie te herstel en te versterk.
avene radiance mask
Dit voel kompleet of jou vel Avène se Soothing Radiance Mask (R265) opdrink.

3. Haarmasker wat bevogtig

Swem en son kan jou hare uitdroog, daarom is ’n haarmasker of behandeling wat jou hare voed en versterk ekstra belangrik. Onthou om jou hare met kraanwater af te spoel nadat jy geswem het.

Wenk: maak jou hare met kraanwater nat voordat jy in die swembad spring. Dit keer dat jou hare die swembadwater (en chemikalieë) absorbeer.

Schwarzkopf BC Peptide mask
Schwarzkopf BC Peptide Repair Rescue Treatment (vanaf R299, uitgesoekte salonne) voed broos, breekbare hare. Die ryk romerige masker laat jou hare ekstra sag voel na gebruik.
dove mask
Dove Damage Therapy Intensive Deep Repair Treatment Mask (R74,99 vir 200ml) help om jou hare te bevogtig en te versterk.

4. Soutwatersproei vir jou hare

Gee jou hare ’n blaaskans van hittestelering en gebruik jou hare se natuurlik tekstuur tot sy voordeel. ’n Soutwatersproei kan help om tekstuur te beklemtoon en is min moeite. 

Lee Stafford Sea Salt
Lee Stafford Beach Babe Sea Salt Spray (R119,95) is ’n goeie sakpas-opsie.

5. Getinte sonskerm

Verruil jou onderlaag vir ’n getinte sonskerm. So verseker jy dat jy elke dag sonskerm gebruik en as jy heraanwend (soos mens behoort te doen) sal jou gesig ook nie spierwit wees nie. 

Nimue Sun C tinted
Nimue Sun C Tinted SPF 40 (R475, uitgesoekte salonne en aalyn winkels) voel lig en gee ligte dekking wat jou vel gesond en glansend laat lyk. 
Heliocare 360 gel
Heliocare 360° Color Gel Oil-Free SPF 50+ (R475) beskerm jou vel nie net teen sonlig nie, maar ook teen hoë energie sigbare lig (soos die blou lig wat deur skerms uitgestraal word) en infrarooistrale.

Dit is spesifiek vir olierige veltipes en voel droog as jy dit aansmeer. Dit help ook om olie-produksie te reguleer. 

6. Nood-room

Bioderma Cicabio Cream (R290) help om rooiheid en vel-irritasie te verlig. Smeer dit aan om enige ongemak te verlig, van sonbrand tot muskietbyte. 

Bioderma Cicabio Cream

7. Hidrerende watersproei

Dit laat jou nie net heerlik vars voel nadat jy dit aangespuit het nie, maar bevogtig en streel ook jou vel. Dit is veral nodig na ’n dag in die buitelug en bring ook verligting aan velle wat dalk effens te veel son gekry het. 

8. Groot bottel aanspuit-sonroom

Sit ’n groot bottel aanspuit sonroom naby jou buitedeur neer, sodat jy en jou familie sommer kan aanspuit voordat julle by die deur uitloop. Onthou die meeste sonroom moet minstens ’n halfuur voor sonblootstelling aangespuit word. 

Nivea Sun Kids Sensitive Protect & Play 50 (R209,99)
Nivea Sun Kids Sensitive Protect & Play 50 (R209,99)
Heliocare 360° Pediatrics Atopic Lotion Spray SPF50 (
Heliocare 360° Pediatrics Atopic Lotion Spray SPF50 (R770)

9. Geleidelike verbruiner

Die meeste van ons kort nog kleur aan die begin van ’n vakansie en met ’n geleidelike selfverbruiningsroom kan jy geleidelik jou kleur opbou. Dit is ook minder geneig om streperig te lyk. Onthou wel om minstens vyf ure te wag voordat jy swem nadat jy dit aangewend het. 

Skinny Tan Gradual Tanner
Skinny Tan Gradual Tanner R250

10. Glinsterende lyfkleur

Hierdie afwas Caribbean Tan Tinted Body Bronzer Shimmer Cream (R89,95) is ’n ou gunsteling en kan vinnig effens kleur aan bleek bene of arms gee of ’n sonbruin kleur mooi glinsterend laat lyk. Dit kan ook enige selfverbruiningstrepe wegsteek.

Lees ook: Selfverbruining: 10 foute wat jy maak

Hoop jy het Ons 10 moet-hê skoonheidsprodukte vir jou somervakansie geniet. Laat weet ons gerus wat jy graag inpak.

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
kuif
Die kuiftrend: Vyf redes waarom elke vrou ’n kuif moet hê
error: Content is protected !!