Hierdie winterskoenstyle het behoorlik gepronk op internasionale loopplanke en is voorspel om winter 2024 se gewildste winterskoene te wees. Ons deel 9 winterskoenstyle plus ons het die soekwerk gedoen sodat jy nie hoef nie (jy’s welkom!). Hier is ’n totaal van 34 winterskoene wat tans in die winkels en aanlyn beskibaar is. Deur Justine Kroes
03/05/2024
1. Puntskoene
Of dit nou plat is of ’n effense hakkie het (kitten heels), is puntskoene een van die seisoen se moet-hê winterskoenstyle. Ons verstaan natuurlik hoekom – dit pas in by die “ultra feminine” (ultra-vroulike) modetrend en is ’n vleiende skoenvorm vir die meeste voete. Die voorpunt skep die illusie van ’n verlengde voet en langer been wat ’n verslankende effek het.
Kies een in ’n skakering wat by die meeste klere in jou klerekas gaan pas, of wees braaf en probeer die “tikkie rooi” modetendens en kies ’n rooi paar!
2. Denimskoene
Ja, jy het reg gehoor, denimskoene! Soos jy seker al teen die tyd weet, is enigiets denim groot nuus in die modewêreld – nog beter as jy denim van kop tot tone dra.
Loer hier na ’n paar mooi denim skoenopsies:
3. Loafers
By ’n onlangse damesaand en ’n gesprek oor “loafers” was daar ’n duidelike 50/50 verdeling oor die wat van hierdie skoenstyl hou en graag dra, en die ander helfte wat glad nie daarvan hou nie. In ’n baie insiggewende analise oor hierdie skoenstyl het vroue gedeel dat party van hulle van die meer bonkige loafer-styl hou en ander weer ’n meer vroulike of minimalistiese weergawe.
Loer hier vir ’n paar opsies:
4. Metaalkleurige skoene
Silwer is steeds gewild in modekringe en so ook natuurlik silwer skoene. Maak nie saak of dit silwer stewels, ballet pumps, tekkies of puntskoene is nie.
Oor die afgelope tyd is selfs ander metaalskakering skoenstyle gewild – van goud tot sagte roosgoud metaalkeure.
Kyk net hoe mooi is hierdie metaalkleure vir jou voete:
5. Deursigtige mesh skoene
Deursigtige “mesh” of gaasskoene is tans volop. Van ballerinaskoene tot hakskoene – bang vir koue voete? G’n plobleem dra ’n paar gekleurde sokkies daarby om ’n behoorlike mode stelling te maak.
Kyk net hoe mooi:
6. Gekleurde tekkies
Ons het onlangs ’n gunstelinge artikel gedeel oor hierdie helder skoenstyl, loer gerus hier.
Hier is ’n paar steeds op ons kooplysie:
7. Stewels
Elke winter is stewels natuurlik bo aan ons kooplysie – hierdie seisoen is dit die volgende stewel-style wat almal opgewonde het: Oor die knielengtes, die “slouchy” sagte stewel en natuurlik daardie unieke stewel met verskil. Hetsy dit nou ’n patroon is of ’n silwer stewel is – waag ’n slag en kies iets buitengewoon!
8. Balletskoene
Ballerina skoene of ballet “pumps” is danksy die “balletcore” tendens die moet-hê skoen van die oomblik. Lees meer oor die balletcore trend, wat dit is en hoe om dit te dra hier.
Hier is ‘n paar pragtige ballerinastyl skoene:
9. Skoene met strikke
As jy gereeld Stylvol se mode-artikels volg sal jy teen die tyd weet dat strikke op klere, in jou hare en ja selfs op jou skoene vanjaar ’n modieuse stelling maak.
Loer hier na ’n paar skoene met strikke op ons kooplysie:
