Wonder jy waar om jou dranktrollie te sit en hoe om dit te laat mooi lyk? Hier is kundige raad om die gewilde trollie (wat eintlik uit die 1800’s kom) mooi te laat lyk. Deur Suzanne Kotzé.
Nadat ek self onlangs ’n dranktrollie aangeskaf het, en gewonder het hoe laat ek dit nou mooi lyk, het ek gedink daar is sekerlik nog Stylvol-vriendinne wat ook wonder. Ons het binneshuise versierder en eienaar van Form Interior Design in Johnnesburg, Erica Schalkwyk gevra vir raad.
Waar om jou dranktrollie te sit?
’n Dranktrollie is een van die wonderlikste ontwerpe wat reeds in die 1800’s ontstaan het as ’n teetrollie vir Victoriaanse dames. Gedurende die drankverbod van die 1900’s is gedokterde tee hierop rondgestoot en gedurende die middel 1900’s het die teetrollie meestal ’n dranktrollie geword.
Die woord trollie beteken natuurlik dat jy dit kan rondstoot na waarookal jy onthaal. In die moderne huis kan dit enige plek geplaas word. Dit word egter aanbeveel om dit te hou/bêre in jou eetkamer of leef-area.
Stileer jou dranktrollie só
Sien jou dranktrollie as ’n gekonsentreerde weergawe van jou gunsteling goed en ‘gifstowwe’.
Erica Schalkwyk
Alkohol bottels is oor die algemeen mooi ontwerpe met mooi kleure en etikette. Drankglase met patrone, plante en muurkuns (wat op die trollie staan en teen jou muur leun) en beeldjies werk almal goed op ’n dranktrollie.
Hou dit in gedagte wanneer jy ’n dranktrollie koop
Die belangrikste ding om in ag te neem is jou styl. Moenie te bekommerd wees oor hoe funksioneel dit is nie. Al is dit ’n funksionele item, is dit ook ’n luukse item wat meer estetiese waarde tot jou huis toevoeg.
Hier is ’n lysie van dekorstyle en watter tipe dranktrollie by die styl pas
Art Nouveau / Art Deco
Plaasstyl
Modern/minimalisties
Mid-eeus of antiek
