Ons is dankbaar vir die warmer weer wat natuurlik ook beteken vars nuwe naelidees vir die somer. Somernaels, van pastelkleure tot die nuwe deursigtige Franse manikuur tot “vrugteslaai” naels, hier is beslis iets vir almal. Loer hier onder vir 8 somernaeltrends op ons moet-probeer lysie: Deur Justine Kroes
27/09/2024
1. Deursigtige Franse Manikuur
Vorige somer was die “micro-French” ’n reuse naeltendens, maar hierdie seisoen is dit duidelik die “transparent French” wat ’n gunsteling somernaels keuse is.
Die idee is om te laat gaan van die sterk kontras tussen die “wit” van ’n gewone Franse manikuur en eerder jou eie naels se wit (nie helder wit aangeverf nie) wat jy deur die deursigtege pienk skakering kan sien.
Wenk – as jou eie naels se punte nie duidelike wit groei wys nie – vra vir die terapeut om jou naelgroei te definieer met ’n skakering of twee ligter as wat jou eie naels s’n is.
2. Chroom-naels
Ja chroom, of 3-dimensionele metaalkleurige naels is hier om te bly. Hierdie somer is dit nie net silwer en goud nie, maar chroom naels in alle skakerings van die reënboog.
Hierdie blink trend is beslis op ons probeerlysie. Indien jy huiwerig is – probeer dalk net chroom naelpunte, kyk hoe mooi:
3. “Balletcore” pienk
Die “Balletcore” modetendens bly steeds ’n gewilde keuse en daarby ook die pienk en ligpienk naelskakerings wat eie is aan die trend.
Hierdie somer bly die skakering steeds ligpienk, maar jy kan ’n effense glinsterende lagie bo-oor verf. By mode-ontwerper Christian Siriano se lente/somer 24 modevertoning het naelkunstenaar Julie K Nails pragtige pienk essie naelskakerings gebruik (poised and polished) met ’n blink glinsterlagie (“birthday girl”) bo-oor geverf.
4. Groen somernaels
Groen is terug, maar die keer is dit nie net daardie helder groen van vorige somer nie. Groen somernaels in verskeie groen skakerings is vanjaar groot nuus. Van lemmetjie (tennisbal groen) tot “matcha” groen en selfs sagte mentgroen skakerings is in die kol vir somer.
Die Chanel naelskakering Chanel Le Vernis in reveuse, ’n chroomgroen skakering is ’n trendy keuse onder bekendes op die oomblik.
5. Reënboog vingerpunte
Beslis ’n gunsteling goedvoel somernaeltrend hier by ons. Franse manikuur in helder skakerings, almal een kleur of elke naelpunt ’n ander kleur (veral wanneer dit moeilik is om net op een skakering te besluit!). Kies mikro Franse manikuur of meer dramaties met duidelike geverfde naelpunte.
Van helder tot pastel skakerings, solank dit kleurvol is en jou gelukkig laat voel dan doen jy die trend reg!
6. Blomme naelkuns
Hierdie somerseisoen is blommenaelkuns weer ’n gunsteling, somernaels gedefinieerd.
Verf naels in bont blommotiewe met klein, fyn blommetjies, of selfs net een groterige blom per nael.
Blom naelplakkers is ’n maklike manier om die trend aan te pak.
Daar is selfs die allermooiste blomnaelkuns wat met fyn gepersde blomme op die naels geplak word.
Kyk ook hoe mooi is hierdie kersiebloeisel naels deur @nailsbyzola vir Hailey Bieber
Probeer dalk tuis hierdie:
7. Sagte somernaels skakerings
Die “soft-girl” naeltendens verwys na naels in sagte pastelskakerings van ligpers tot babablou, sagte bottergeel en die mees gewildste- sagte appelkoosskakerings.
Die sagte appelkoosskakering is danksy Hailey Bieber as gewild gekroon nadat sy appelkoos skakerings vir naels en grimering “cool” aangekondig het. Hierdie skakering is dalk ’n moderne alternatief vir die helder koraal naels wat jy gewoonlik kies.
Liggeel of “butter yellow” is ’n “moet dra” modeskakering en nou ook ’n duidelike naeltrend.
8. Vrugteslaai naelkuns
In die modewêreld is kersies, suurlemoene en aarbeie te sien op t-hemde, rokke en selfs in bykomstighede soos oorbelle.
Vrugte is duidelik ’n populêre keuse vir hierdie somer seisoen. Dit het natuurlik oorgespoel na skoonheid en nou is “fruit salad” naelkuns ’n somernaeltrend.
Kies ekstra fyn en klein kersie, aarbei, suurlemoen of bloubessie ontwerpe, elk vir ’n ander nael. Of bly by een vrugnael ontwerp vir al jou naels.
Vir tuis probeer:
