Hier is die mooiste snoesige winterkombersies vir fliekaande voor die TV of boeklees op die bank. Want opkrul en tuisbly is tog te lekker gedurende die winter. Deur Suzanne Kotzé
02/06/2023
Kies jou snoesige winterkombersies só
Kalinka Lombaard van The Home Collective gee raad.
Dit is goed om jou somer en winterkombersies uit te ruil, want die tekstuur en hitte van die seisoene is verskillend.
1. Die kleur moet komplementeer
Kyk mooi na hoe jou dekor in jou leefarea lyk en kies ’n komplementerende kleur. Jy kan dit óf neutraal hou óf ’n spatsel kleur inbring as jou kleurskema reeds neutraal is.
, Mr Price Home)
’n Kombersie is n goeie manier om ‘n tikkie kleur by jou dekor te voeg.
2. Patrone
As jy reeds patrone in jou dekor het, kies eerder kombersies sonder patrone. As jou dekor egter eenvoudig en sonder patrone is, kan patroonkombersies dit goed komplementeer.
3. Kies snoesige teksture vir die winter
Kies tekstuur soos gebreide wol, ‘faux fur’ of vliesstof.
4. ’n Mooi mandjie of stoorplek is ’n moet
(R2150)
Sorg altyd dat jy ’n plek het om jou komberse te stoor sodat dit nie net onnet op jou bank rondlê nie.
As jou kombersies baie komplementered is tot jou dekor kan jy dit mooi netjies op jou bank of stoel stileer of vou.
5. Gee dit sonlig
Hang jou kombersies gereeld in die sonlig om van stof ontslae te raak. Onthou ook om gereeld jou mandjie uit te stof.
