Rolanda Marais babakamer
Rolanda Marais babakamer

Rolanda Marais wys klein Naudé se babakamer

En dit is net so mooi en kunssinnig soos ons van Rolanda Marais verwag! Die nuwe aanbouing was wel nie heeltemal klaar toe Naudé sy opwagting gemaak het nie, maar om dit aan te hou mooi maak, hou Rolanda so tussendeur die min slaap, sane. Gelukkig is ouma Charlotte en ousus Charlotte ook daar om te help. Deur Suzanne Kotzé

16/10/2022

Rolanda Marais oor die nuwe aanbouing

So ’n week voor Naudé se geboorte los Rolanda ’n benoude voicenote: “Nee, jong lyk my nie die vertrek gaan klaar wees voor Naudé, se geboorte nie. Dit gaan wild. Julle sal maar moet kom kuier na Naudé gebore is.” (*giggel, semi-histeries.)

En toe is dit ook so, maar dit was beslis die wag werd. “Dit voel of die kamer net nog altyd hier was en deel is van die huis,” vertel Rolanda. Die vertrek moes natuurlik aanpas by die mid-eeuse gevoel van die res van die huis, en lang, maer vensterrame en ’n houtplafon help om die kamer gladnie soos ’n nuwe aanbouing te laat voel nie. En die natuurlike lig in die kamer is ongelooflik. Die kamer het selfs ’n buitedeur na die tuin, sodat Naudé net kan uithardloop en speel as hy groter is.

Die dekor-inspirasie van die babakamer

“Ons is ’n gesin wat baie lief is vir ons diere, en juis daarom wou ek graag diere (maar nie die groot vyf nie) deel hê van die dekor-tema,” vertel Rolanda. Die herfs kleurpalet van die kamer saam met natuurlike houtelemente, versamelgoed en mooigoed. Elk natuurlik met ’n storie; van Rolanda se cd-mandjie waarin babadoeke nou gebêre word tot die skildery wat haar vriendinne gepaint by numbers het tydens haar baba-tee.

Die wiegstoel waarop baie tyd spandeer word

Ouma Charlotte, wat pas nagskof gedoen het (ek weet nie wat ek sonder my ma sou doen nie!) en piepklein Naudé kom sit in die stoel, terwyl Rolanda aan die gesels is. “Ek het spesiaal hierdie kleur van die stoel gekies, en PinkFoot Boutique het dit vir my so gemaak. (Die Rolanda Rocking Chair stoel is gewoonlik in room beskikbaar) Later neem Saski (die Malherbe’s se Burmese kat) ook haar beurt op die voetstoeltjie en Rolanda en Naudé kry natuurlik ook ’n beurt.

Rolanda Rocking Chair (R6500, PinkFoot Boutique in room), Die mooi kussing is van kunstenaar Renee Rossouw.
En die oulike hasie is van een van Charlotte se ou sokkies en ‘n broek gemaak deur My Maaikes.
Satski sit ook graag op hierdie lekker voetstoel Vienna side table (R1500, PinkFoot Boutique).
Vienna side table (R1500, PinkFoot Boutique)
Mandjies help dat alles op hulle plek bly, en maklik bereikbaar is. Wooden Ring Stacker Pure & Nature (R790, Pink Foot Boutique)
Rolanda slaap op die oomblik hier vir die elke- twee-ure-opstaan. Peter Pan bed (R3168, Lifeforce Lifestyle) Die beddegoed is van H&M.

Die groen halwe sirkel agter die bed bring ’n spatsel kleur in die kamer in en is natuurlik ook ’n kenmerk van die mid-eeuse styl. Die verf is non-toksies en is van Baby Lab Paint. “Charlotte het tog te lekker saamgeverf, terwyl ek hoogswanger was” vertel Rolanda.

Regs: Little Goose (R299, Pink Foot Boutique)
Rupert Cot (R3300, PinkFoot Boutique) It’s beautiful here kunswerk deur Heath Nash Spieëls Mooi Mirrors
Ousus Charlotte hou daarvan om saam met boetie in die kot te klouter. Die slangbeddegoed is van Fauve Kids wat deur plaaslike kunstenaar Andel Olivier gemaak word.
Naudé se kombersie Splash Knitted Blanket (R499, PinkFoot Boutique)
Rolanda Compactum (R7500 PinkFoot Boutique)
Die doeke-mandjie was baie jare terug Rolande se bêreplek vir haar cd’s.
Spieëls Mooi Mirrors
It’s beautiful here kunswerk deur Heath Nash
Diertjies ‘mobile’ spesiaal vir Rolanda se diere tema gemaak deur Mauss.
Feather the owl humidifier (R920, PinkFoot Boutique) “Hierdie is wonderlik! Dit is ’n humidifeerder en nagliggie (wat in verskillende kleure gestel kan word, in een!”

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
Raad vir kaggel kies
error: Content is protected !!