Hier is Paas-inpsirasie; of jy nou ’n meer gestroopte, natuurlike gevoel, prettige pastelle of ’n tikkie glans verkies. Deur jou huis reeds vanaf die intrapslag te versier, skep jy dadelik ’n Paasgevoel. Deur Suzanne Kotzé
Paas-inspirasie: Natuurlike, gestroopte voorkoms
Ons is mal oor hierdie tipe voorkoms, dit voel asof dit by die gevoel en gees van Paasfees pas. Kies neutrale kleure en natuurlike teksture; dink aan hout, rottang, sement en plante. Span gerus dit wat jy reeds tuis het, in. Droë takke met versierings aan, of jou ou Kerskrans.
Prettige pastelle
Ideaal as jy kleiner kinders in die huis het. Om Paasfees deur kinders se oë te beleef, bly spesiaal. Maak tyd vir eiers verf, ‘craft’ en saam versier. Eiers blaas bly spesiaal, maar as jy nie kans sien vir die tydrowende proses nie, verf gerus eerder wit sjokolade eiers.
’n Tikkie glans
Sit titsels goud by jou Paasdekor. Die doel moenie oordaad wees nie, maar gebruik dit as ’n kontras-element met byvoorbeeld natuurlike teksture en elemente.
Kyk hoe oulik is hierdie paaseiers met ‘gold leaf’ tegniek. Jy kry eetbare ‘gold leaf’ by bakwinkels soos Cab Foods
