sweet-weerstandige grimering
sweet-weerstandige grimering

’n Grimeerkunstenaar se 7 beste wenke vir sweet-weerstandige grimering

Grimeerkunstenaar Carissa Bosman deel wenke vir sweet-weerstandige grimering, want grimering wat amper so vinnig soos wat jy dit aanwend weer afstroom van jou gesig af, is hierdie tyd van die jaar ’n bekende gevoel. Deur Suzanne Kotzé

13/01/2023

“Op tipiese Suid-Afrikaanse somersdae gebeur dit dikwels dat ons grimering bedags nie  baie lank hou nie. Ek verstaan dit goed, want ek is self ’n ou bo-lip swetertjie. Ek kry vinnnig warm in my gesig,” vertel Kaapse grimeerkunstenaar Carissa Bosman.

Sewe beste wenke vir sweet-weerstandige grimering

Carissa Bosman deel met ons: Keer so dat jou grimering afsweet,

1. Maak seker jou vel is in ’n goeie toestand

My beste raad sal altyd wees om eerstens na jou vel se welstand en toestand om te sien.  As jou vel mooi lyk, het jy geen of minimale grimering nodig nie.

2. Versorgde wenkbroue, wimpers en ’n lekker lipkleur

As jou wenkbroue mooi is (gekleur en gevorm) en jou wimpers gedoen is (lash lift/ tint en lift) lyk jy sommer al klaar mooi, so al wat jy dan nodig het is ’n lekker lipkleur.

Maybelline Superstar Matte Ink Liquid Lipstick (R219,95, Foschini Beauty)

3. Getinte sonroom

As jy voel jy het meer bedekking nodig is getinte sonroom/gel (my gunsteling is Heliocare se gel cream color) ‘n goeie opsie. Dis iets wat jy later weer kan aanwend. Hou net ’n grimeerfondasie borsel en sponsie om die produk in te blend.

Heliocare Gelcream Color SPF 50 (R380, Dermastore.co.za)

4. Minder is meer

Moenie soggens te veel produkte op jou gesig aanwend nie, hou dit lig. Wend jou dagroom, sonskerm  en primer wat jou vel laat mat lyk aan.

My gunstelinge is

Benefit The POREfessional Primer (R605, edgars.co.za)
MAC Studio Fix Mattifine 12 hr Shine Control Primer (R600, maccosmetics.co.za)
Palladio Rice Primer (R154,95, dishem.co.za)

5. Onderlaag wat hou

My gunsteling lankaanbly onderlaag is Lancôme Teint Idole Ultra Wear.

Lancôme Teint Idole Ultra Wear (R650, Superbalist)

Ek het hierdie outjie al uitgetoets op die dansvloer (en onthou ek sweet in my gesig) en hy hou! Ek sit ook nie noodwendig ekstra poeier aan nie. As jou onderlaag en poeier saamsweet, kom dit in sulke patches af. Hierdie onderlaag hou beslis goed genoeg op sy eie en kan selfs weer gemeng word as jy nog wil aanwend. As jy voel jy moet poeier, doen dit lig en net op areas waar jy dit nodig het.

6. Kladpapier (blotting paper)

Kladpapier (blotting paper) is iets waarvan baie mense al vergeet het. Dit werk! Hou dit in jou handsak en blot die sweet en ekstra olies weg. Fendi en Palladio het kladpapier, maar Rizlas se tabakpapiere werk net so goed. Sit dit in ’n ander houertjie, niemand sal ooit weet nie.

Fenty Beauty Invisimatte Blotting Paper (R370, arcstore.co.za)

7. Aanblysproei

Sproei wat jou grimering laat aanbly (setting spray) werk ook goed, Urban Decay All Nighter was die beste, maar jy sal hom ongelukkig net oorsee kry. Tans in Suid-Afrika hou ek van Lancôme se setting spray en Hannon Se Moisture Seal werk ook soos ’n bom.

Lancôme Make-Up Setting Spray (R470, foschini.co.za)
Hannon Moisture Seal 125 ml(R198 hannon.co.za)


Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
Wenkbroue
Welige wenkbroue, doen dit so:
error: Content is protected !!