lipstiffie kleure
lipstiffie kleure

Lipstiffiekleure wat elke vrou moet hê

Drie grimeerkunstenaars deel watter lippiestiffiekleure hulle glo elke vrou moet besit. Van neutraal tot helder skakerings. En hulle verklap ook wat hul gunstelinge is. Deur Suzanne Kotzé

Lipstiffiekleure, maar eers jou lippe se toestand

lip scrub

Hierdie is ontsettend belangrik glo grimeerkunstenaar Algria Ferreira.

Algria Ferreira

“Voordat jy eers dink aan die perfekte lipstiffiekleur wat jy wil aansmeer , moet jy eers enige droë velletjies verwyder. La Mer het ’n fantasiese lipafskilferaar. The Body Shop en Catrice het ook goeie lipafskilferaars. As jy klaar jou lippie afgeskilfer het, sit ’n lappiesmasker op jou lippe. Laneige het waarskynlik een van die beste lipmaskers op die mark.”

La Mer The Lip Polish
La Mer The Lip Polish (R1450, lamer.co.za)
The Body Shop Sugar Lip Scrub
The Body Shop Lip Scrub Mango (thebodyshop.co.za en uitgesoekte The Body Shop en Clicks winkels)
Catrice Lip Lovin' Smoothing Lip Scrub (R89,95 houseofcosmetics.co.za en Dischem en Clicks winkels)
Catrice Lip Lovin’ Smoothing Lip Scrub (R89,95 houseofcosmetics.co.za en Dischem en Clicks winkels)
Laneige Lip Sleeping Mask
Laneige Lip Sleeping Mask – 20g + Eyelin Lip Mask Patch (R469, takealot.com)

Natuurlike kleur wat hidreer

Grimeerkunstenaar Algria Ferreira glo ’n natuurlike kleur wat hidrerend  is en ’n effense kleur verskaf is ’n moethê. “Iets wat goed voel, natuurlik lyk en tog  ’n verskil maak aan die lipkleur. 

Clinique Black Honey is weer terug op die mark nadat dit vir jare nie beskikbaar was nie.  Niemand is meer gelukkig hieroor as ek nie. Dit  is beslis  vir my die lipstiffie wat perfek is op elke velkleur en absoluut natuurlik lyk  Ek gebruik dit tydens fotosessies vir skoonheidsstories as  ’n natuurlik lipkleur en dan selfs ook op bruide wat nie van die gevoel van lipstiffie hou nie, maar tog net ’n effense kleur wil hê.  Die lyk soos die kleur van ’n  babatjie se lipppies.

Clinique Almost Lipstick in Black Honey

Clinique Almost Lipstick in Black Honey (R450, clinique.co.za of superbalist.com)

Neutrale natuurlike lipstiffie

“Volgens bekende grimeerkunstenaar Bobbi Brown is die perfekte natuurlike lipstiffie kleur die een wat een tot twee skakerings donkerder as jou natuurlike lipkleur is. Ek glo die regte kleur is die kleur wat jou vol selfvertroue laat voel, hetsy dit pienkerig, perskerig of selfs beige is.” Grimeerkunstenaar Reneé de Wit.

Ek is lief vir Chanel Boy as ’n elkedag natuurlike lipstiffie.

Chanel Rouge Coco Flash Colour in Boy (R995, Woolworths)

Algria sê: “’n Sagte pienk “nudey”  lipstiffie is my ander moethê kleur:  Die kleur pienk sal afhang van jou velkleur en die hoeveelheid natuurlike pigment in jou lippe.

Daar is  drie tipes pienk waarsonder my “kit” nooit is nie:

Charlotte Tilbury Matte Revolution Lipstick in Pillow Talk
Charlotte Tilbury Matte Revolution Lipstick in Pillow Talk (R1345, takealot.com) Dit is baie na aan MAC se Velvet Teddy)
MAC Cremesheen Lipstick - Crème In Your Coffee
MAC Cremesheen Lipstick – Crème In Your Coffee (R385,maccosmetics.co.zaSuperbalist.com) (perfekte kleur vir enige ouderdomsgroep en word bestempel as een van die mees “universally flattering” beskikbaar)
NARS orgasm afterglow

Nars Afterglow in Orgasm (beskikbaar by Nars, Sandton of Arc store). ’n Bevogtigende sagte pienk wat alle velkleure vlei.”

Cheryl Parker sê: “Die binnekant van jou lip, waar dit nat is, is gewoonlik ’n goeie aanduiding van die lipstiffiekleur wat jou perfekte natuurlike skakering is. Dit is gewoonlik effens donkerder as jou natuulike lipkleur.”

Cheryl se perfekte natuurlike kleur is ook Charlotte Tilburry in Pillow

Rooi

Klassieke rooi bly ’n elegante staamakerkleur lipstiffie.

“Ek glo dat die regte rooi die een is wat jou selfvertroue gee. As jy twyfel is MAC Ruby Woo altyd ’n wenner, want dit pas by meeste veltone.” Reneé

MAC Ruby Woo is ook al vir jare Algria se gunsteling. “Die mat kleur bly vir ure aan. Jy kan dit ligweg met jou vinger aantik word sodat dit soos ’n gevlekte lip lyk of jy kan dit net gewoonweg aanwend as ’n soliede kleur.”

MAC Ruby Woo (R400 maccosmetics.co.zabash.comsuperbalist.com en MAC winkels)

Rooi laat net enige voorkoms dadelik afgerond lyk.”

Algria Ferreira

MAC Ruby Woo is ook een van Cheryl se gunsteling rooi lipkleure. “Dit werk veral goed as ’n cappucino of donkerder vel het”.

Cheryl Parker
Mac Russian Red
MAC Russian Red (R400, maccosmetics.co.za) is ’n goeie keuse as jy ’n ligte vel het. 
Mac mini lady danger
MAC Lady Danger (R400, maccosmetics.co.za) is ideaal vir rooikoppe met blou oë.

“As jy huiwerig is vir rooi, kies ’n rooi wat effens deursigtig wat eerder jou lip effens vlek as ’n soliede rooi kleur.

MAC Lustreglass Sheer Shine Lipstick (R370, maccosemtics.co.za en bash.com)

“As jy skrikkerig is vir donkerrooi, wend ’n bietjie lipbalsem aan jou lippe en wend die rooi lipstiffie net aan die middel van jou lippe en gebruik dan jou vingers om dit liggies uitwaarts te smeer,” is Cheryl se raad.

Helder kleur

Elke vrou het een uistaan helderkeur nodig. Die een wat jou prettig en speels laat voel. Of dit nou ’n pienkrooi, helder pienk of koraal is.

“Ek is mal oor ’n spatsel kleur, veral om ’n aandvoorkoms ’n hupstoot te gee. As dit by helder skakerings kom, verkies ek mat lipkleure aangesien dit langer hou. My gunsteling helder skakerings is van Sisley.” Reneé.

Sisley phyto rouge
Sisley Le Phyto Rouge N°31 Orange Acapulco (R1000 sisley-paris.com)

“’n Koraal of salmpienk is ’n goeie keuse as jy ’n effens songesoende kleur het,” sê Cheryl.

En onthou: “laat jou lippe die kollig steel en hou die res van jou grimering minimaal.”

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
sonveiligheid
Sonveiligheid vir kinders; dit moet jy weet
error: Content is protected !!