Cape Island Africa Storm
Cape Island Africa Storm

Lekkerruikgeure vir verskillende vertrekke in jou huis

Met lekkerruikgeure in kerse, sproei en geurstokkies beskikbaar kan sagte geure in elke vertrek van jou huis draal, terwyl dit jou lyf en luim ook sommer troetel. Maar watter geure om vir watter vertrek te kies? Deur Suzanne Kotzé

Lekkerruikgeure vir jou voorportaal

Hierdie is ook goeie keuses vir jou gastekamer.

Vanielje skep ’n warm, verwekomende atmosfeer. Om vanieljesproei of -kerse in ’n skouhuis te gebruik, is nie verniet een van die oudste truuks van eiendomsagente nie.  Jy sal dit selfs in sielkundiges en terapeute se spreekkamers ook sien.

Kaneel is nog ’n bekende geur wat jou kan laat tuis voel. Dit word al vanaf Bybelse tye af in fyngeure gebruik.

Madame Luna  Classic Signature Gold Stamp Vanilla Figwood Scented Candle (R339, Yuppiechef) ruik na ryp vy en vanilje.
Glasshouse A Tahaa Affair Vanilla Caramel Candle (R999, Woolworths)  ruik na vanilje-bone, mirre en kokosneut.
Hertiage Collection Maluti Spiral Small Diffuser (R249), Heritage Africa het note van sandalhout, iris, muskus en vanilje om gevoelens van gemak, veilighed en liefde te ontlok.

Lekkerruikgeure vir jou slaapkamer

Kies strelende laventel, jasmyn of kamille om jou slaap te slaap, of andersins romantiese roosgeure. Wees egter versigtig met laventel, want ’n paar druppels kan kalmerend wees, maar te veel kan stimulerend wees en jou wakker hou.

Moenie geurstokkies op jou bedkassie hou nie, want die geure kan te veel wees en jou wakker hou.

Jasmyn is strelend maar kan ook verleidelik wees.

Kamille maak jou lomerig en kalm en help met slaaploosheid

Roos is romanties en verber die libido.

Laventel help om jou te kalmeer

Africology Pillow and Linen Spray (R100, Africology ) Laventel, malva en kamile.
Amanda Jayne Night Bloom Gold Tin Candle (R169, Yuppiechef) ruik na jasmyn, sandalhout en ilang-ilang.
The Bodyshop Pillow Mist Lavender & Vetiver (R250, The Body Shop)
Babylonstoren Calm Scented Candle (R350, Babylonstoren) ruik soos Babylonstoren se vars en kalmered laventelvelde.

Kies jou lekkerruikgeure vir jou tuiskantoor

Vars peperment help met fokus, konsentrasie en meer energie. Basilikum (wat bekend is as liefdesdoepa in antieke Italië) is ook bekend daarvoor dat dit help om jou luim te verbeter, energie gee en sommige bronne beweer selfs dat dit rykdom aantrek!

The Body Shop Reed Diffuser Basil & Thyme (R470, The Body Shop en Clicks)
Soil Peppermint Wax Melts (R60, Soil) word saam met ’n keramiek brandertjie (ook beskikbaar by Soil) gebruik. Dit is ’n koste-effektiewe en omgewingsvriendelike keuse!
Amanda Jayne Fresh Zest Reed Diffuser (R599, Yuppiechef) se verfrissende geure sluit in sitroengras, peperment en gemmer.

Lekkerruikgeure vir jou kombuis

Sitrus- en groen note is ’n goeie keuse vir jou kombuis omdat dit reuke neutraliseer sonder om met kosgeure te bots.

Babylonstoren Moestuin Room Spray (R220, Babylonstoren) probeer om die vars geur van ’n oggendtuin vas te vang. Moestuin is Nederlands vir ‘kombuis-tuin’.
Charlotte Rhys Keylime & Ginger Scented Candle (R340, Woolworths)

Lekkerruikgeure vir jou leefkamer

Houterige krui-en speserygeure laat voel mens geanker en tuis; of julle nou op die bank sit en lees, ’n fliek kyk of bordspeletjies speel of net sit en gesels.

Frangipani (Plumeria) word met vrede en harmonie vereenselwig en kan ook ’n liefdesdoepa wees.

Patsjoeli verbeter jou bui en beveg depressie

Sederhout snoer mens saam en kan help met die selfbeeld.

Salie is in antieke tye gebrand om van negatiewe energie ontslae te raak.

Cape Island Africa Storm (R545 vir die kers en R465 vir die diffuser) het ’n warm en speseryerige reuk met note soos bergamot, malva, kardemom, rose en sederhout.
Heritage Africa Unity Basket Classic Candle (R229, Heritage Africa) het vars geure van lemmetjies en groen appel, kardemom, speseryerige note en ook hout, patsjoelie en muskus.
Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
7 Wenke vir ’n jonger nek en decolleté
error: Content is protected !!