Of jy nou van die kerk af kom, of vriende oornooi, hierdie smullekker Paasontbyt-resepte van Elmarie Berry sal sorg vir ’n ekstra lekker saamkuier. Soettande sal dit veral geniet. Resepte en stilering Elmarie Berry. Foto’s Beans Collective
Op die laat Paasontbyt spyskaart
(bedien 6)
- Granaat Cap Classique
- Mini paasbolletjies met okkerneut en vye Labneh en heuningkoek
- Bessie Parfait
- Paas-Madeleines
Granaat Cap Classique
- 3/4k granaatsap (pomegranate juice)
- 1 (750ml) bottel Cap Classique vonkelwyn
- 1 vy, in skywe gesny vir versiering
- Granaatpitte
Sit ’n stukkie gesnyde vy in of op die rand van elke glas. Verdeel die granaatsap gelykop tussen ses glase. Vul die glase met vonkelwyn net voor opdientyd. Hou die glas teen ’n hoek van 45 grade, om te te keer dat dit te veel skuim. Bedien dadelik.
Geroosterde Mini paasbolletjies met okkerneut en vye Labneh en heuningkoek
6 Paasbolletjies, in die helfte gesny en dan weer in twee gesny.
Speserybotter (smelt oor lae hitte)
- 100g botter
- 1 kaneelstokkie
- 2 steranys
- Gerasperde skil (zest) van 1 lemoen
Laat die botter effens stol en smeer dit op die paasbolletjies. Rooster dit in die oond.
- 1 koppie labneh (resep onder)
- ¼ koppie gekapte neute
- ¼ koppie ingelegde vye, fyn gekap
- Gerasperde skil (zest) van 1 lemoen
Labneh (lewer een koppie)
- 500ml volvet gewone jogurt of 1 liter amasi
- 1/4 teelepel fyn Himalajasout
Meng die jogurt of amasi en sout in ’n mediumgrootte bak. Voer ‘n vergiettes uit met ’n stukkie moeselien of kaasdoek wat groot genoeg is om oor die kante te hang en plaas die vergiettes oor ’n bak. Plaas die jogurt oor na die middel van die kaasdoek en vou die oorhang in sodat die jogurt heeltemal bedek is. Plaas ’n swaar gewig oor die kaasdoek (’n paar blikkies of flesse sal deug) en sit dit in die yskas. Laat die jogurt vir minstens 12 uur en tot 48 uur dreineer. Nadat dit gedreineer is, gooi die opgehoopte water weg. Die oorblywende jogurt moes ten minste die helfte van sy volume verloor het en baie glad en romerig wees, soos roomkaas.
Meng die labneh met neute, vye en lemoenskil.
Plaas in ’n opdienbak en sit vars vye, heuning en heuningkoek (opsioneel) bo-op.
Muesli bessie-parfait
’n Vars, proteïenryke ontbyt met styl voorgesit.
Lewer: 6
- 3 koppie dubbelroom-jogurt
- 3 skeppies (±30g) vanielje-whey-proteïenpoeier
- 1 ½ koppie graanvrye granola (winkel gekoop of tuisgemaak)
- 3 koppies vars bessies (bv. bloubessies, frambose, aarbeie, swartbessies)
- 3 eetlepel heuning of esdoornstroop (opsioneel)
- Vars kruisementblare (vir garnering)
Meng die jogurt & proteïenpoeier
Klits die dubbelroom-jogurt saam met die vanielje-proteïenpoeier in ’n medium bak totdat dit glad en romerig is. Versoet met ’n bietjie heuning of stroop indien verkies.
Berei die bord voor:
Gebruik die agterkant van ’n lepel om die jogurtmengsel in ’n halfsirkel of ovaal vorm op elke bord uit te smeer as ’n basis.
Voeg granola by:
Skep die granola netjies langs die jogurt, of strooi dit met doelbewuste tekstuur en styl.
Rangskik die bessies:
Strooi die vars bessies bo-op die jogurt en rondom die granola vir varsheid en kleur.
Garneer & bedien:
Versier met kruisementblare en bedien dadelik.
Opsionele byvoegings:
- ’n Eetlepel neutbotter oor die jogurt gedrup
- Gerasperde donker sjokolade of kakaoneute vir bederf
- ’n Strooisel kaneel of geroosterde klapper
Paas-Madeleines met witsjokolade
Madeleines
- ½ koppie ongesoute botter (gesmelt)
- 2 groot eiers (kamertemperatuur)
- ½ koppie suiker
- 1 teelepel vanielje-ekstrak
- 1 koppie koekmeel
- ½ teelepel bakpoeier
- 1 teelepel chai speserye (resep onder)
- ¼ teelepel sout
- 100g witsjokolade, gesmelt
Tuisgemaakte Chai Speserye
- 1 eetlepel gemaalde kaneel
- 2 eetlepels gemaalde kardamon
- 2 eetlepels gemaalde gemmer
- 1 teelepel gemaalde naeltjies
- ½ teelepel gemaalde allspice
Gebruik ’n staanmenger met ’n klitser aanhegsel. Klits die eiers en suiker saam teen hoë spoed (vir so 8-10 minute) of todat die mengsel dik en vaal is. Gooi die vanielje ekstrak by en klits todat gemeng.
Sif die meel, bakpoeier, chai speserye en sout saam in ’n bak. Gebruik ’n spatel en vou dit by die eiermengsel in.
Vou die gesmelte botter by die mengsel in. Dit mag dalk ’n minuut of twee neem todat dit behoorlik ingemeng is, hou net aan meng tot dan. Die deegmengsels moet dik en slymerig wees.
Bedek die bak en sit in die yskas vir 2-24 uur
Voorverhit jou oond tot 180C.
Verf die madeleine pan met gesmelte botter en plaas opgehoopte eetlepels van die beslag in elke holte.
Bak vir 10-12 minute of todat die madeleines liggies verbruin het. Plaas op ’n draadrakkie en laat afkoel.
Gebruik ’n versiersakkie om ’n kruis op elk te teken met die gesmelte witsjokolade.
