Foto: Chanel

Kies so die regte oogskadu vir jou oogkleur

Perfekte onderlaag en mooi lipstiffie is een gedeelte van grimering wat taamlik maklik is om op te besluit. Maar het jy al ooit gewonder of jy regte skakering oogskadu gebruik om die kleur van jou oë te komplementeer? Grimeerkunstenaar Cheryl Parker verduidelik hoe om die regte oogskadu vir jou oogkleur te kies. Deur Justine Kroes

13/05/2022

Chanel Cruise 2022/23 Collection Backstage Makeup

Hoe werk dit?

Cheryl verduidelik dit so “Daar is drie verskillende maniere om die regte oogskadu vir jou oogkleur te kies:

  1. Komplementeer; dit beteken jy wil jou oogkleur komplementeer maar die kleur is nie te “out there” vir jou nie.
  2. Kontrasteer; dit beteken jy kies ’n oogskadu wat jou oogkleur gaan laat uitstaan. Gewoonlik ’n meer dramatiese kleurkeuse.
  3. Neutraal; hierdie is die veilige opsie om te kies, en die mees natuurlike opsie.

Die kleur wat jy op jou oë gebruik, of dit nou oogomlyner, maskara of oogskadu is, kan beslis ’n verskil maak aan jou grimeervoorkoms, net soos die kleurteorie wat in mode en uitrustings gebruik word.

Chanel Cruise 2022/23 Collection Backstage Makeup

Die maklikste manier om dit te verduidelik, sê Cheryl, is op ’n kleurwiel. Vind jou oogkleur op die kleurwiel – die kleur wat aan die teenoorgestelde kant van jou oogkleur op die wiel sit, sal die meeste kontras vir jou oogkleur bied en dit die meeste laat uitstaan.

Doen dit so:

Maar as jy byvoorbeeld nie ’n helder oranje op jou blou oë wil dra nie, kies komplementerende en neutrale skakerings hiervan soos ’n oranjebruin oogskadu vir ’n meer subtiele voorkoms. Dieselfde vir groen oë – kies ’n persbruin as jy huiwerig is vir helder pers. En vir bruin oë kies ’n navy blou of mosgroen vir ’n sagter, meer natuurlike oogskaduvoorkoms.

As jy huiwerig is om ’n gekleurde oogskadu te gebruik, kies eerder ’n gekleurde oogpotlood of gekleurde maskara. Of maak die oogskadu effens nat en gebruik die skakering as ’n oogomlyner.

Skakerings soos brons, bruine en mosterd is neutrale skakerings wat die beste by al die oogkleure pas. Hierdie palet van Chanel is ‘n goeie voorbeeld:

Chanel Les Beige Healthy Glow Natural Palette (R1230 Woolworths)

Bruin /Neutbruin oë

Kies “koeler” skakerings om jou oë die meeste te laat uitstaan:

  • Vlootblou, pers, pruim en donker mosgroen skakerings.

Vir ’n meer natuurlike grimeervoorkoms, kies warmer skakerings soos:

  • Goud, mosterd, koper, brons en warm bruine
Sisley Phyto Eye Twist in Amethyst (R750)
Revlon Colorstay Eyeshadow Palette in Enigma (R230)

Groen oë

Kies van hierdie skakerings om jou oogkleur te laat uitstaan:

  • Grys, pers, donker moss groen, vlootblou en houtskool

Vir ’n meer natuurlike grimeervoorkoms kies warmer skakerings soos:

  • Goud, mosterd, koper, brons en warm rooie en bruine
Tom Ford Eye Quad (R1200)
Clarins Waterproof Eyeliner Pencil (R370)

Blou oë

Vir ’n meer dramatiese/uitstaan voorkoms kies:

  • Oranje, koper en ander warm skakerings.

Vir ’n meer natuurlike voorkoms:

  • Bronserige pienk, warm bruin, goud en mosterd skakerings.
MAC Eyeshadow Palette x10 (R950)
Smashbox Always Sharp Waterproof Liner (R400)
Oor ons

Stylvol sosiale media

Nog Stories
Grimeerkwassies – wat het jy regtig nodig?
error: Content is protected !!