Wonder jy watter grimering, naels en hare jou mode-voorkoms kan afrond? Ooggrimering is groot nuus, blosser en ook mikro-kuiwe! Deur Suzanne Kotzé
Herfstrends: Grimering
Revlon se nasionale grimeerkunstenaar Lucoh Mhlongo vertel meer oor die seisoen se grimeertrends :
Sartoriale oogskadu– Laat jou oë praat
As jy soos ons wonder wat op dees aarde sartoriale beteken; die term word gewoonlik saam met kleremaak (tailoring) gebruik en verwys na presiesheid, detail en elegansie. En “hierdie seisoen se ooggrimering is elegant en sartoriaal,” sê Lucoh.
“Dink aan gestruktureerde skaduwees in aardse kleure met sweempies vlootblou of diep wynrooi. Mengbare oogskadu wat jy kan bou om ligter of donkerder te wees, is die geheim agter die voorkoms.”
Foto: @irisslaw Instagram
Lucoh beveel die produkte aan
Vleklose mat vel
Sagte mat vel was nie net op die loopplanke te sien nie, maar ook in die regte lewe. ’n Perfekte, skoon basis is ononderhandelbaar as skilderdoek vir jou voorkoms. Kies dekking wat steeds kan asemhaal en wat boubaar is, sodat jy minder of meer kan gebruik.
Pienk wange
Pienk wange laat jou jeugdig en glansend lyk.
Glansende ooglede en glansende lippe
Die net net glansende lippe wat nou groot nuus is nie, maar ook glansende ooglede. Dink aan glans en ’n vars douagtige afwerking.
Probeer
Opgeborselde wenkbroue
Wenkbroue wat opgeborsel is, en mooi beklemtoon is sonder te veel klem op die vorm, maar versorg en ingevul is nou groot nuus.
Naels in sagte, romantiese kleure
Korter, geronde naels in skakerings van dowwe pienk, taupe en aardse kleure.
Hare
Mikro-kuif
Hierdie is so reg uit die negentigs (dink aan Mia Wallace/Uma Thurman in Pulp Fiction). Dit was nie net op die loopplanke te sien nie, maar ook op Pamela Anderson by die onlangse Met Gala.
Glad en blink, met ’n middelpaadjie
Die sognenaamde ‘glas’ hare is baie in, en daarmee saam die middelpaadjie.
Gevormde krulle
Krulle wat gevorm is met ’n bietjie van ’n retro gevoel.
