Voeg ’n tikkie ekstoties by jou Paasete met hierdie resepte; van Marokkaanse lamspastei tot taai soetpatat, mielie- en appelslaai en souserige sjokoladepoeding. Elmarie Berry het hierdie heerlike resepte spesiaal vir Stylvol voorberei. Hoop jy eet lekker hieraan. Foto’s Bean’s Collective
Roosmaryn lam b’stilla (Marokkaanse pastei)
Bestanddele
- 2 bruin uie
- ‘n handvol vars pietersielie
- 1 takkie roosmaryn
- 3 eetlepels olyfolie
- 500g lamskouerblokkies
- 2t gemaalde kaneel
- 2t gemaalde gemmer of gebruik 1 eetlepel Chai-speserymengsel
- 2½t Ras el hanout
- ¼t cayenne peper
- 2t borrie of borrie-speserymengsel
- 1t seesout
- 450ml water
- 150g pistasieneute
- 12 velle filodeeg
- 120g botter
- 2el suiker
- 1 lemoen- of suurlemoenskil
- 1 takkie roosmaryn of tiemie
Voorverhit die oond tot 230°C.
Kap die ui, pietersielie en roosmaryn.
Verhit twee eetlepels olie in ’n groot kastrol en verbruin dan die lam tot goudbruin. Voeg die ui, pietersielie en roosmaryn by die lam saam met die kaneel, gemmer, twee teelepels ras el hanout, rooipeper, saffraan en sout.
Soteer vir twee minute en voeg dan die water by en prut vir 30-45 minute of tot die lam sag is. Laat afkoel.
Snipper die lam. As die sous in die pan nie dik genoeg is nie, verminder dit oor lae hitte. Meng die versnipperde lam by die sous.
Om die tert aanmekaar te sit, smeer 6 filo-velle met gesmelte botter en sit dit bo-op mekaar. Plaas dit op die bodem van ’n vlak 30 cm ronde, kleefvrye oondbak. Skep die lam oor die deeg. Smeer die oorblywende velle met gesmelte botter, neem elke vel en kreukel dit van die lang punt na die ander lang punt, plaas dit in ‘n sirkel bo-op die tert. Herhaal totdat die boonste deel van die tert bedek is.
Bak vir 30 minute.
Berei die roosmarynsuikermengsel voor. Meng die suiker, gekapte roosmaryn en lemoen of suurlemoenskil.
Haal die b’stilla uit die oond. Sprinkel die roosmarynsuiker oor die warm tert.
Taai geroosterde soetpatat
Bestanddele
- 1 kg babapatats
- 2 eetlepels olyfolie
- 1 eetlepel vars gemmer, gekap
- 1 el vars knoffel, gekap
- 1 eetlepel vars brandrissie, gekap
- 2 eetlepels sesamolie
- ¼ koppie sojasous
- 3 eetlepels sesamsaad, gerooster
- Handvol vars roketblare
- Handvol vars koljander, gekap
- 3 – 4 sprietuie, gekap
Voorverhit oond tot 200C.
Plaas die patats op ’n roosterbak, bedruip met olyfolie en geur met sout en peper.
Rooster vir 30 min. Meng die gemmer, knoffel, brandrissie, sesamolie, sojasous en 2 eetlepels sesamsaad.
Giet oor die patats en rooster vir nog 15 min tot sag.
Meng die roket, koljander en sprietuie net voor opdiening deur. Sprinkel die sesamsaad oor.
Mielie- en appelslaai
Slaaisous
- ½ koppie ekstra suiwer olyfolie
- 3 eetlepels lemmetjiesap
- 2 teelepels heuning
- ½ koppie vars koljander, gekap
- ¼ koppie vars basiliekruid, gekap
- 2 eetlepels grasuie, gekap
- 1 klein sjalot, gekap
- 1 knoffelhuisie, gerasper
- sout en swartpeper
- brandrissievlokkies
Slaai
- 3 koppies gaar quinoa
- 4 geroosterde mielies, pitte afgesny van die stronk
- 2 appels, in blokkies gesny
- 1 koppie kersietamaties, gehalveer
- 100g sugar snaps
- 2 avokados, gekap
- 2 eetlepels ingelegde jalapeños
- 2 sirkels fetakaas, gekrummel
Om die slaaisous te maak. Meng al die bestanddele in ’n menger of voedselverwerker. Pols tot goed gemeng. Geur met sout en peper.
Gooi die quinoa, geroosterde mielies, sugar snaps, perskes, tamaties, avokado, jalapeños en fetakaas saam in ’n groot slaaibak. Gooi die slaaisous oor en meng goed deur.
Sagte, taai sjokolade en Tahini poeding
- 4 medium ryp piesangs, geskil
- 125ml olie
- 100g tahini, kamertemperatuur
- 100g Griekse-styl jogurt, kamertemperatuur
- 2 groot eiers, kamertemperatuur
- 200g donker bruinsuiker
- 2 teelepels vanielje-ekstrak
- 125ml meel
- 4 eetlepels kakaopoeier
- 1 teelepel koeksoda
- ¼ tl fyn seesout
- 200g donkersjokolade stukkies (chips)
Om te bedien
- 4 tl tahini
- 250ml room
- 2 eetlepels heuning
- Wit lekkergoed paaseiers in stukke gebreek
Voorverhit die oond tot 180C.
Druk die piesangs fyn in ’n groot bak, met die hand of met ’n elektriese menger. Klits dan die olie by gevolg deur die tahini en dan die jogurt. Klits die eier by, dan die suiker en vanielje.
Klits die meel, kakao, koeksoda en sout in ’n bak en klits stadig by die koekbeslag. Vou die sjokoladeskyfies in. Gooi in ’n oondbak van 45 cm x 45 cm. Bak vir 40–45 minute, afhangend of jy wil hê dit moet ’n klewerige gesmelte middel hê of nie. Sodra dit uit die oond kom, laat staan vir 5-10 minute.
Klits die tahini en room liggies saam in ’n bak en bedien saam met die poeding. Sit ’n groot druppel heuning by. Sny in blokkies, pak ’n toring, sprinkel ’n bietjie goudstof en die gebreekte lekkergoed paaseiers oor. Bedien saam met die tahini-room.
