Jy is dalk nie met Angelina Jolie-lippe gebore nie, of jou natuurlike voller lippe is besig om al hoe dunner te word soos die jare aanstap. Hier is grimeerwenke vir voller lippe. Deur Suzanne Kotzé.
03/02/2023
Ons lippe word dunner oor die jare en verloor natuurlike volheid omdat ons kollageen (wat onder andere verantwoordelik is vir plompheid) verminder soos ons ouer word, en ons lipspiere ook dunner word. Verder mag jou tande ook dalk stomper en korter word, veral as jy op jou tande kners wanneer jy slaap.
Grimeerwenke vir voller lippe
1. Maak seker jou lippe is gehidreerd
Maak seker jy bly gehidreerd deur genoeg water te drink en lipsalf aan te smeer wanneer jou lippe droog is.
2. Raak ontslae van dooie velletjies
Gebruik ’n ou, sagte tandeborsel en lipsalf of petroleumjellie of ’n sagte waslap om van dooie velletjies ontslaie te raak.
3. Vermy diep donkerrooi en kies eerder sagter, meer natuurlike skakerings.
Ons is lief vir rooi lippe, maar donkerrooi en veral pruim skakerings kan jou lippe dunner laat lyk. (Dink maar daaraan dat ons swart aantrek as ons maerder wil lyk). Gelukkig beteken dit nie dat jy heeltemal van rooi afstand hoef te doen nie.
Kyk net hoe ongelooflik is hierdie Rouge Allure Velvet skakerings van Chanel se Spring Summer Collection 2023 . Rooi is steeds die inspirasie agter die kleur (en selfs die ooggrimering ook), maar dit is sagter skakerings van sagte roomkleurige mauve, delikate roesoranje, siennarooi en roesrooi.
Grimeerkunstenaar Reneé de Wit se grimeerwenke vir voller lippe
4. Omlyn jou lippe met ’n naakte lippotlood
Gebruik ’n nude skakering wat een kleurskakering donkerder is as jou natuurlike lipkleur en omlyn jou lippe effens buite die natuurlike lyn.
5. Moenie van die buitehoeke vergeet nie
Onthou om die buitehoeke van jou lippe ook in te vul, reg tot in die hoekies.
6. Smeer die lyne in en vul in
Buff die streep van jou lippotlood met ’n lipkwassie in en gebruik ’n lank-aanbly lipstifkleur een skakering donkerder as die lippotlood.
7. ’n Tikkie glans
’n Tikkie glans in die middel van jou onderste lip sal jou lippe voller laat lyk.
Van ons nuwe gunstelinge (ideaal vir voller lippe)
Vir hidrasie
Natuurlike lipkleure
