Neem beheer en wees die jaar meer georganiseerd en doelgerig. Hier is produkte wat hopelik sal help vir minder chaos en meer orde. Deur Suzanne Kotzé
Georganiseerd met dagboekbeplanners
Hierdie Clever Fox Pro Premium Plannerdagbeplanner het alles wat ons nodig het en is ’n gerieflike A4 grootte. Ons hou veral daarvan dat dit nie datums by het nie, sodat jy dit enige tyd kan begin gebruik. Dit het spasie vir finansiële beplanning en uitgawes, maandelikse kalenders, doelwitstellings en selfs spasie vir ’n visualiseringsbord ook.
’n Gewone Januarie tot Desember 2025 dagboek van Typo, maar met oulike maandelikse doelwitlysies en daaglikse om-te-doen lysies en prioriteite.
Gesinsbeplanners
’n Gesinsbeplanner, met die hele gesin se aktiwiteite en sosiale afsprake werk baie goed. Die belangrikste is natuurlik dat dit gereeld opdateer word en dat dit iewers hang wat binne sig van die hele gesin is.
Om-te-doen lysies
Om ’n om-te-doen lysie af te tik, bly darem maar net so bevredigend. En ja, ons weet jy kry apps op jou foon ook, maar die pen en papier weergawe wat in jou sig bly, bly vir ons meer doeltreffend.
Beplan jou maaltye
Hierdie jaar wil ons meer vooruit beplan en minder kos mors. En natuurlik is dit ook beter vir jou sak.
Inkopielysies
As maaltye beplan soos te veel werk klink, oorweeg gerus net ’n inkopielysie.
‘Outydse’ kalender
Dit bly die beste manier om verjaarsdae te onthou.
