Hierdie feestelike haarbykomstighede is nie net ’n redder as jy vasdraai met tyd nie, maar dit gee dadelik ’n tikkie feestelike glans aan jou voorkoms. Deur Suzanne Kotzé
Feestelike haarbykomstighede; strikke
Strikke is steeds groot nuus, en hierdie jaar is reusestrikke selfs op die dekorfront ook te sien, in bome, op tafels en aan deure.
Knippies
Dra gerus jou knippies aan die een kant van jou kop om ’n stelling te maak, hoe meer knippies saam hoe beter. Kies knippies wat met jou haarkleur kontrasteer of iets blink in het sodat jy dit mooi kan sien. (Dit is een keer in die jaar wat jy gerus ekstra kan sprankel).
Haarknippe
Blomme, pêrels en seeskulpe is groot nuus as dit by haarknippe kom.
Knip wat uitgly
Hoeveel keer sit mens nie ’n mooi knip in, net sodat dit ’n rukkie later weer uitgly nie.
Keer dit so:
- Besluit waar jy die knippie gaan plaas, en pluiskam die area effens sodat daar ekstra ‘grip’ is.
- Spuit jou knippe en die area liggies met haarsproei.
- Moenie te veel of te min hare gebruik nie. Te min hare veroorsaak dat die knip uitgly en te veel maak dat dit nie behoorlik wil toe nie. Kies min of meer dieselfde hoeveelheid hare as die breedte van die knip.
- Steek jou hare eers met ’n ‘bobby pin’ vas en steek dan jou knip bo-oor vas.
- Spuit ’n klein bietjie haarsproei rondom die area nadat jy die knip ingesteek het.
Haarbande
Haarbande is ook wonderlik om effense uitgroei-kleur weg te steek.
Scrunchies
Die scrunchie bolla
Hierdie is ’n lekker manier om ’n scrunchie te gebruik. Haarstilis Matthew Curtis het die voorkoms vir die New York modeweek geskep. Hy het mousse aan hare aangewend, dit droog gemaak en toe hare gekrul met ’n krultang. Daar het hy ’n poniestert gemaak, die hare in twee verdeel en dit om mekaar gedraai om ’n touvlegsel te vorm en toe ’n bolla daarmee gevorm en vasgesteek. Daarna is die scrunchie ingesit.
Die scrunchieserp (scrunchie en serp in een) is nog ’n interessante manier om ’n scruchie te dra. Jy kan die serp deel rondom jou poniestert laat hang, dit saam invleg of selfs ’n strik maak daarmee.
