Kyk dit is heerlik om jou tyd te kan neem met jou grimering, veral voor ’n spesiale aand uit. Die realiteit is egter dat die meeste van ons skaars by die huis kom en alles en almal uitsorteer voordat ons weer moet uitgaan. ’n Vinnige grimeeropknap is dikwels al waarvoor ons tyd het. Daarom kies ons grimering wat aanbly. Deur Suzanne Kotzé.
Ons wenke vir grimering wat aanbly
Sodat jy net weer kan opknap voordat jy uitgaan.
Beplan
Weet voor die tyd wat jy gaan aantrek en hoe jy jou hare en grimering wil doen.
Begin reg met jou daggrimering
Spandeer ’n bietjie meer tyd in die oggend (veral as jy weet dit moet tot laataand toe hou). Doen moeite om jou grimering reg te doen.
Kies formules wat lank aanbly
Van jou onderlaag tot jou lipstiffie.
Ons is so dankbaar dat ons die jaar die geleentheid gekry het om Revlon se ColorStay produkte beter te leer ken. Hierdie outjies bly werklik lank aan.
Onthou ook jy hoef nie noodwendig met vol dekking onderlaag te begin nie, veral as jy gewoonlik ligte, natuurlike grimering verkies. Jy kan altyd nog ’n bietjie onderlaag (op areas soos jou neus) bysit as jy voel jy ’n meer vleklose, afgewerkte voorkoms vir die aand verkies.
Vermy dit net om poeier om die dele te sit, want om later roomformules bo-oor poeier te sit gee nie ’n mooi afwerking nie.
Hou jou basis natuurlik
Kies natuurlike skakerings vir jou oë en wange. Sodat jy dit meer dramaties kan maak of nog ’n kleur kan bysit vir die aand, sonder dat jy jou hoef te bekommer oor kleure wat nie bymekaar pas nie. Hou ook jou lipstiffie en wangkleur in ag. Pienkerige skakerings blosser werk byvoorbeeld beter saam met rooi lippe.
Voeg ’n tikkie glans by
As jy ’n meer glansryke geleentheid het, tik ’n bietjie goud/bronskleurige oogskadu op jou ooglid bo-oor jou natuurlike basiskleur net voordat jy uitgaan.
Aanbly sproei
Spuit grimeer-aanbly-sproei aan as jy klaar is met jou daggrimering en weer voordat jy jou grimering opknap (veral as jy nog bietjie onderlaag wil aanwend. Let wel dit is glad nie nodig met Revlon ColorStay Foundation nie. Dit bly werklik aan sonder opknapping.)
Kikker jou daggrimering op
Vloeibare oogomlyner
Vloeibare oogomlyner gee dadelik ’n bietjie drama aan jou voorkoms en laat jou dadelik meer gedoen lyk. Neem tog ’n paar minute om dit eerder reg te doen, anders moet jy dalk al jou grimering verwyder.
Wenk: hou watte en grimeerverwyderaar of ’n klein skoon kwassie en grimeerverwyderaar byderhand om foute reg te maak.
Rooi lipstiffie
Hierdie bly ’n staatmaker vir dadelike glans. En die wenner is natuurlik ’n lipstiffie wat aanbly sodat jy nie heelaand jou lipstiffie hoef op te knap nie.
Ons het hierdie Revlon grimering gebruik:
Ons het 12 uur die middag grimering aangewend vir ’n dag van foto’s neem en afsprake.
Vyf uur het ons ’n nuwe lipkleur en vloeibare oogomlyner aangewend en die aand 10 uur was dit nog perfek. (Wenk: maak seker jy het ’n goeie grimeerverwyderaar!)
Aand voorkoms
