Dit hoort in jou elkedag-oral-saamgaan grimeersakkie

’n Oral-saamgaan grimeersakkie wat jy van een handsak na die volgende kan oorplaas, maak die lewe net soveel makliker. Of jy nou ’n klein lyfkruissakkie of ’n groot handsak dra, hou gerus hierdie produkte byderhand. Plus, hier is ’n paar van die mooiste grimeersakkies. Deur Suzanne Kotze en Justine Kroes

29/09/2023

Produkte vir jou oral-saamgaan-grimeersakkie

Verbloemer of ekstra onderlaag

Hierdie is noodsaaklik veral vir einde-van-die-dag ‘panda eyes’.  Hou ’n onderoogverbloemer of onderlaag in jou sakkie om enige merkies te verdoesel. Ons grimering smeer maar af gedurende die dag en soms skrik mens as jy jouself in ’n helder verligte spieël sien.

Hier is ’n paar gunstelinge:

Sisley Eye Concealer with botanical extracts (R1850)
Maybelline Under Eye Eraser (R219,95)

Wenk: As jy onderlaag koop kan jy dikwels vra vir ’n bietjie/toetsgrootte wat jy by die huis kan toets. Hierdie is ook wonderlik om in jou grimeersakkie te hou. Na die tyd kan jy sommer net die houertjie gebruik en ’n bietjie van jou onderlaag hierin sit.

As jy duur onderlaag gebruik, word dit ’n duur affêre om een onderlaag vir jou grimeerlaai en een vir jou handsak grimeersakkie aan te skaf.

Twee in een blosser en lipstif

’n Roomblosser wat jy op jou wange en lippe gebruik is ’n wonderlike veeldoelige produk.

Ons gunstelinge:

Sisley Phyto Blush Twist (R1 062)
Switch Beauty Mono Tint (R180)
Ere Perez Carrot Colour Pot (R570)

Veeldoelige olie

’n Olie wat jy op alles van wegvlieghaartjies, tot droë bene en naelvliesies kan gebruik is wonderlik.

Nuxe Prodigeuse Original Travel Kit (R575)

In hierdie oulike reissakkie kry jy ’n Nuxe Huile Prodigeuse olie en parfuum. Gooi hulle gerus in jou elkedag grimeersakkie! (En hou die stortjel en lyfroom vir jou reissakkie).

Deodorantdoekies

Hierdie is wonderlik vir somersdae of vir die meeste van ons wat onverwags rondhardloop gedurende die dag en nie so vars voel nie.

Woolworths Deodorant Wipes (R19,99)

’n Haakspeld of drie

Vir wanneer ’n knoop losbars of ’n naat skeur.

Haarrekkie

Jy weet nooit wanneer die wind opkom en jou hare jou grensloos begin irriteer nie.

Invisibobble Crystal Clear (R155 vir 3 Superbalist)

Ooggrimering

Die meeste van ons wend nie weer maskara aan nie, maar verfris dalk ons oogskadu. Kies ’n kompak of oogskadupen met een of twee skakerings wat jy vinnig en maklik weer kan aanwend.

Catrice Aloe Vera Eyeshadow Stick (R105,95)

Spieëltjie

’n Klein spieëltjie sodat jy kan sien wat jy doen, en met ’n liggie in is ‘n bonus! Foschini All Woman Small Square Compact (R99)

Foschini All Woman Small Square Compact (R99)
Basics Beauty Mirror Compact Square Pink (R39,95 Dis-Chem)
Volamor LED Compact Pocket Mirror (R269 takealot)

Reisgrootte haarborsel

Veral ’n moet vir ma’s van dogtertjies. Een wat kan opvou is selfs nog beter!

Wet Brush Pop and Go Detangler (R170)
Denman Hair Brush with Mirror (R99,95 Dis-Chem)

Haartangetjie

Daar is seker niks erger as om in jou kar se truspieëltjie te kyk en te besef jou wenkbroue (of dalk bo-lip) benodig desperaat die hulp van ’n haartangetjie nie. Daarom het ons altyd een byderhand.

Tweezerman se Mini Slant Tweezer bly ’n ou gunsteling (R229)
La Tweez Pro Illuminating Tweezers White & Carry Case with Diamond Dust Tip (R465 haircair.co.za) hierdie oulike haartangetjie het ‘n slim liggie om jou beter te laat sien waar jy pluk.

Handeroom

Ons kan natuurlik nie sonder handeroom in ons oral saamgaan sakkie nie. Een wat hidreer maar nie te olierig is nie, en met ’n SBF by is ’n bonus!

Eucerin Hyaluron Filler SPF 30 Hand Cream (R300 Clicks)
Clarins Hand and Nail Treatment (R160)

9 Oulike grimeersakkies

Luella 2 Pack Cosmetic Bag (R299)
Foschini All Women Double Pouch Cosmetic Bag (R299)
Country Road Organically Grown Cotton Heritage Bag (R599)
Thandana Big Mouth Bag Laminated Fabric (R369)
Poetry Esme Cosmetic Bag (R299)
Desray Paisley Cosmetic Bag (R200)
W Beauty 2-In-1 Moon Bag Duo (R299)

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
Doen-dit-self vals wimpers
error: Content is protected !!