Watersproei is ’n redder, en ons het verskeie; van in ons yskaste tot handsakke en gimsakke. Hier is agt maniere hoe ons dit gebruik. Deur Suzanne Kotzé
1. Watersproei verdryf middel-van-die-dag-moegheid
As daai middag-moegheid jou tref en daar nog ’n paar ure se werk oor is (wanneer jy gewoonlik ook lus word vir ’n soetding) werk ’n spuit of twee watersproei om jou meer energiek te laat voel.
2. Yskoue verfrisser
Hierdie is heerlik vir die warm somersdae. Hou ’n waterspoei in jou yskas en spuit aan om af te koel.
Wenk: As jy sport moet kyk (krieket-ma’s!) of dalk piekniek hou op ’n warm dag, gooi gerus ’n watersproei in jou koelsak.
3. Om serum beter te laat absorbeer
’n Klam vel absorbeer beter.
4. Help room beter insmeer
Spuit dit oor jou gesig/lyf voordat jy jou lyf/room aansmeer, dit maak dat die room beter insmeer (en vog inseël.)
5. Om sonskerm minder taai te laat voel
Hierdie is veral handig as jy (of jou kinders) taktiel is en die gevoel van taai sonskerm haat. Spuit watersproei aan, voordat jy jou sonskerm insmeer. Dit laat dit makliker smeer en minder taai voel.
6. Kalmeer sensitiwiteit, insekbyte en sonbrand
As jou vel senstief voel na afskilfering of waks, as gevolg van ’n insekbyt of te veel tyd in die son, kan watersproei help om rooiheid te verminder en inflammasie te verminder.
7. Ekseem verligting kompres
Hierdie het ek by die Avéne-spa in Frankryk geleer.
- Spuit die rooi area met watersproei
- spuit dan ’n sneesdoekie met watersproei todat dit deurweek is
- plaas die sneesdoekie op die rooi area
- druk liggies daarop
- los aan vir 10 minute
8. Na sport
(My netbalspan word gereeld na ’n wedstyd gespuit met watersproei)
Na ’n oefensessie is jou vel bedek met:
- Sweet
- Sout
- Olie (sebum)
- Bakterieë
- Vuilgoed uit die omgewing of gimnasiumtoerusting
’n Gesigwatersproei kan:
- Oorverhitte vel afkoel
- Oppervlaksout verdun en liggies verwyder
- Styfheid en jeukerigheid verminder
- Rooiheid kalmeer
Dit verwyder egter nie olie, bakterieë of sonskerm behoorlik nie. As jy sweet net op jou vel laat droog word, kan dit porieë verstop en puisies veroorsaak.
As jy nie dadelik kan was nie, is watersproei beter as niks:
- Druk sweet liggies af met ‘n skoon handdoek (moenie vryf nie).
- Spuit liggies.
- Indien moontlik, vee liggies af met skoon watte of ’n sneesdoekie.
Maar beskou dit slegs as ’n tydelike oplossing en was jou gesig so vinnig as moontik daarna.
Probeer
Hierdie is natuurlik my gunsteling, aangesien ek Avéne in Frankryk besoek het, en self gesien het waar die water vandaan kom. En hoe dit gebruik word om mediese veltoestande te behandel.
