’n Georganiseerde werkspasie en lessensaar help dat jy meer produktief is en beter kan fokus. Hier is idees; van doen-dit-self tot oulike produkte wat jy kan aanskaf en kantoor-inspirasie. Deur Suzanne Kotzé
Idees vir ’n georganiseerde werkspasie
Of jy nou van die huis af werk, of uit ’n kantoor, gebruik gerus van hierdie wenke, want ’n deurmekaar spasie kan jou brein ook sommer deurmekaar laat voel.
1. Hou jou laaie netjies
Deursigtige houertjies in jou lessenaarlaai help dat jy alles mooi kan sien en daar is ’n magdom beskikbaar.
2. Ou boksies as laaiverdelers
Gebruik enige ou boksies en trek dit met geskenkpapier oor om jou laaie te verdeel.
3. Hergebruik wat jy reeds het
Papbokse as boek/papierhouers.
Knip en trek papbokse volgends jou kantoor se kleurskema oor en gebruik dit as houers vir boeke, tydskrifte of papiere.
Organiseer kabels met klampe.
Gebruik ’n klamp of twee om laaikabels byderhand te hou.
4. Benut vertikale spasie
Benut gerus jou muurspasie deur dit as stoorplek te gebruik. ’n Penbord (pegboard) en houertjies en rakkies wat vashaak werk goed. Selfs die tipe staalrakkies wat jy dalk in jou motorhuis/vir gereedskap gebruik werk goed.
Loer gerus hier na ‘n oulike stel by LeRoyMerlin en Makro
5. Bring ’n tikkie kleur in
Moenie bang wees om ’n spastel kleur by jou kantoor in te bring nie.
6. Hoe hoër, hoe beter
Boeke wat vertikaal teen ’n muur hang, maak jou vloerspasie meer. Maak net seker jou boekie lyk netjies (oorweeg dit om dieselfde kleure boeke saam te groepeer).
Loer gerus na hierdie onsigbare muurhake: Concealed Shelf Coated Steel Silver (R229, LeRoy Merlin)
7. Hou by ’n kleurskema
’n Kleurskema, veral as jy sigbare vertikale spasie gebruik as stoorplek laat jou kantoor net dadelik kalmer en meer georganiseerd voel.
8. ’n Allerlei-goed-houertjie
’n Houertjie waarin jy rondlêgoed, of goed wat jy op die oomblik kan gebruik tydelik in kan bêre help dat jou spasie minder deurmekaar word.
9. Steek jou kabels weg
Kabels wat oral uitsteek en rondlê laat dadelik jou kantoor deurmekaar lyk.
10. Beplan vir huiswerkspasie (as jy ’n tuiskantoor het)
Tuiskantoorspasie word dikwels gedeel met kinders wat moet huiswerk doen. Ruim ’n hoekie of twee vir jou kinders in, en maak seker alles wat hulle nodig het is byderhand, en dat hulle presies weet waar dit is, sodat hulle nie deur jou laaie hoef te krap nie.
