Naels vir nou – hier is van 2024 se mees gewilde naeltrends, van helderrooi tot sagte pienke en minimalistiese naelkuns. Onthou naelverf is nie vir ewig nie – probeer ’n slag iets nuuts, dit is immers net tydelik! Deur Justine Kroes
1/03/2024
10 Naeltrends wat nou groot nuus is
1. Embossed (Geëmbosseleerde) naels
Nadia Stroh van The Nail Room in Stellenbosch sê: “Geëmbosseleerde naelkuns is iets wat ek al hoe meer sien – mense begin nou eksperimenteer met teksture op naels en ek is sommer opgewonde daaroor! Blommotiewe lyk veral na gewilde keuses op die oomblik.
Hierdie driedimensionele effek kan op al jou naels of net ’n paar aangeverf word.
2. Balletcore
Die “clean girl aesthetic”, ook bekend as balletcore, bly vanjaar ’n gewilde naeltendens. Skoon, ultra netjiese gemanikuurde naels met ’n effense sagte pienk naellakskakering.
Hierdie sagte pienk, skoon naeltrend is ook eie aan die “quiet luxury” (stille luuksheid) tendens waar die fokus op ’n goed versorgde en afgeronde voorkoms ls.
Die moet met hierdie trend is naels wat gesond lyk, dit beteken, onthou om gereeld jou naelolie en handeroom aan te wend vir gesonde naelvliesies wat nie droog lyk nie.
Hierdie Bio Sculpture produkte is ons antwoord teen droe naelvliesies en gesonde naels (pssst – klik hier en ontvang tot 10% afslag op jou bestelling, afslag sal outmaties toegedien word).
3. Franse manikuur (wat dryf)
Op modeloopplanke by ontwerper Staud Clothing se modevertoning in New York was die “floating French” op die modelle se naels amper meer gewild as die kledingstukke self.
Hierdie grafiese weergawe van die Franse manikuur hou jou eie naelpunte steeds deursigtig – die plasing van die streep is bietjie laer af na die middel van jou nael se kant toe.
4. Helderrooi naels
Hierdie is natuurlik te danke aan die “mob wife”, meer-is-meer modetrend. Dink aan groot hare, rooi lippe, luiperdmotief klere (met leer), goue juwele en natuurlik rooi naels!
Ons sal liefs die rooi naels (oukei en dalk die rooi lippe) kan dra sonder al die bogenoemde daarby. Daar is maar net iets omtrent ’n pragtige rooi manikuur wat ons gelukkig laat voel. Wenk: hou die lengte kort vir ’n meer moderne rooi nael voorkoms.
5. Minimalistiese naelkuns
Eenvoudige, minimalistiese, skoon naelontwerpe is terug. Vanjaar by ontwerper Jason Wu se SS2024 modevertoning het al die modelle ’n superdun, fyn strepie en kolletjie in swart op skoon naels (op van die naels) geverf gehad.
Die idee van hierdie trend is om jou naelontwerp jou eie te maak – niks hoef simmetries en perfek te wees nie – jy kan besluit waar jy ’n strepie wil trek of dit nou dwars oor die nael is op een nael en vertikaal op die ander ander nael. Maak dit jou eie.
6. Sagte pastel en nude skakerings
Neutrale, sagte en effense pastel skakerings is ook in. Melkerige wit/pienk, sagte pienk en ligte lila-pers skakerings is gewild. Bio Sculpture se nuwe ‘Flutter By’ reeks is hier in die kol met hul skakerings.
Hierdie mooie sagte skakerings pas byna by elke veltoon en jy kan besluit of jy ’n effense deursigtige naelvoorkoms verkies (minder lagies) of meer duidelike kleur (drie of meer lagies) van die reeks. Justine het elk van haar naels ’n verskillende skakering van die nuwe reeks geverf – “ek kry so baie komplimente en mense wat vra ‘wat is hierdie of daardie naelkleur se naam’”.
Gelukkig werk Bio Sculpture altyd so slim met nuwe naelkleur vrystellings – die skakerings is beskikbaar in jelvorm vir die wat graag die salon besoek, en ook in naellakskakerings vir die wat eerder tuis naels wil verf.
7. Kort vierkantige naels
Stylkenners sê kort vierkantige naels wat in die 90’s groot nuus was, is terug; hierdie jaar is die kante net effens meer rond.
As jy graag ’n ander vorm wil probeer, maar vierkantig is dalk nie vir jou nie – probeer “squoval” naels, ’n kombinasie van “square” en “oval” naels.
8. Strikaksente
Kyk dit is geen geheim dat strikke behoorlik die modewêreld vanjaar oorneem nie – en ons kon net raai dat hierdie gewilde (en o so prettige) tendens sou oorspoel na die skoonheidswêreld toe.
“Coquettes” of strikke op naels kan geverf wees, ’n drie dimensionele effek hê of selfs naelplakkers wees. Ons hou veral van die vroulike speelsheid van strikke op naels en beslis ’n trend wat ’n probeerslag werd is.
Strikkies, klein of groot, op een nael of op al die naels – toets dit en probeer dit.
9. Jellienaels
Kyk net hoe oulik is hierdie manikuur deur naelkunstenaar vir die sterre Betina Goldstein. Betina het hierdie jellienaels vir Barbie aktrise Margot Robbie ontwerp, geinspireer deur Barbie se jellie skoene.
Die idee agter jellienaels is dat dit ’n helder kleur is, maar sag en amper uitgewas lyk. Jou eie nael moet deurskyn vir daardie perfekte jellienael voorkoms.
Kies in die salon ’n effens deursigtige naellak om daardie jellie afwerking te kry. Tuis kan jy ’n piepklein druppel van jou gunsteling skakering met ’n deursigtige naellak meng om jou eie unieke jellie naelkleur te skep. Onthou minder lagies naelverf sal daardie jellienael voorkoms skep sodat jou nael steeds sigbaar is onder die kleur.
10. Aura naels
Aura naels verwys na naelkuns waar skakerings van kleur (gewoonlik in die middel) van die nael geverf word en in ’n ander skakering invloei. Die idee kom van die idee dat iemand omhels word deur die kleur van hulle “aura”.
’n Duidelik bars van kleur in die middel van die nael wat uitvloei, amper in ’n wasige effek in ander skakerings (soortgelyk aan ombre naels), die plasing en tegniek word net anders aangewend. Hier is ’n paar pragtige inspirasie idees:
