Minimalisties, prettig of klassiek; hier is kersboominspirasie vir elke smaak. Ons kan byna nie glo dat dit binnekort tyd is vir kersbome versier nie! Deur Suzanne Kotzé
11/11/2022
Minimalistiese kersboominspirasie
Minder is meer, tierlantyntjies is nie vir jou nie en die blote gedagte aan kersversierings vul jou nie juis met groot opgewondenheid nie. Kies ’n paar kleiner bome en versierings wat jy saam kan uitstal eerder as ’n groot boom vol ‘goetertjies’, wat dalk ook met jou dekor gaan bots. Of ’n enkele tak of boom ’n boom wat ‘minder is meer’ versier is. Ons hou veral van die kleiner boompies met liggies reeds deel van die boom se ontwerp.
Inspirasie
Koopgids
(R599,99, Mr Price Home)
Details (R199 vir 2, Typo)
Klassieke Kersboominspirasie
Na jou mening is groen, rooi, goud/silwer die engiste kleure wat by Kersfees hoort. Dit is tradisie om ’n Kersboom op ’n seker manier op te maak en dit pas ook by jou meer klassieke dekorstyl.
Inspirasie
Koopgids
42 Pack Hanging Baubles (R399,99, Mr Price Home)
Prettige Kersboominspirasie
Jou styl is meer quirky en jy verkies om speelse elemente en kleur te gebruik. Jou styl word waarskynlik dikwels as ‘kreatief’ of ‘so anders’ beskryf. Jy is nie bang om jouself uit te druk nie, ook nie as dit kom by Kersversierings nie. En as jy nie kry wat jy wil hê in die winkels nie, maak jy dit self.
Inspirasie
Ons het hierdie oulike maak-dit-self-idees op Pinterest raakgesien.
Koopgids
Details (R299, Cotton On)
Bêrewenke vir jou Kersversierings
- Maak seker jy haal die batterye uit enige liggies (anders loop die suur uit en jy kan dit volgende jaar net so in die asdrom gooi!)
- Stoor al jou Kersversierings in een krat
- Hou stringe en liggies in aparte sakkies sodat dit nie koek nie.
- Hou die houers waarin jy bv kersballe koop en sit dit sommer net so terug daarin voordat jy dit in jou Kersversieringkrat sit.
