Die nuwe pantone kleur van die jaar vir 2022 word “Very Peri” genoem – die periwinkle (alikreukel) skakering – ’n blou-pers skakering wat bedoel is om nuutheid en kreatiwiteit aan te moedig. Hierdie skakering is tans en gaan nog meer volop in winkelvensters en op loopplanke te sien wees. Ons het solank ’n klompie Very Peri Pantone kleur van die jaar items vir jou 2022 klerekas opgespoor, loer na ons gunstelinge hier: Deur Justine Kroes
PANTONE Very Peri skakering 17-3938
Die skakering word deur trend-voorspellers beskryf as ’n simbool van die wêreldzeitgeist van die oomblik – die oorgang wat ons almal se lewens raak – waar ons uit ’n tydperk van isolasie beweeg na ’n die nuwe (kreatiewe) manier van dink en doen. Die kleurskakering moedig ’n vreugdevolle en dinamiese teenwoordigheid deur kreatiwiteit en verbeeldingryke idees aan. Dit is ook die eerste keer in die geskiedenis van die Pantone Color Institute dat ’n skakering spesiaal geskep is met die hoop dat die kleur ander sou inspireer met die eindelose moontlikhede wat voor elkeen van ons lê.
Die skakering is al op talle loopplanke gesien, insluitend Valentino Haute Couture 2021 en Albert Ferreti Spring 2022 en Gucci Spring 2022. Ons weet ons kan sommer uitsien na vele meer verbeeldingryke ontwerpe in die nabye toekoms.



Very Peri mode-items vir jou klerekas
’n Rok
Of dit nou ’n formele of meer informele ontwerp is, is ’n rok in ’n Very Peri skakering (of ’n blou-pers skakering naaste daaraan) ’n moet-hê op jou mode inkopielys. Moet nie terughou nie – hoe meer flair en drama, hoe beter!
Handsak
’n Very Peri kleur handsak is een van die maklikste manière om nie net kleur by jou uitrusting te voeg nie maar ook hierdie kleur op ’n overwagse manier te dra. Sit weg jou tan en swart handsak en gryp iets meer aanlokliks!
Bykomstighede
Serpe, oorbelle, hangertjies en gordels is slim items (en meer sakpas) om te toets of jy werklik van ’n skakering hou. Hier is ’n paar mooi Very Peri ontwerpe wat ons raakgesien het:
Skoene
Skoene is een van ons gunsteling maniere om kleur te dra – veral as jy nie seker is of die skakering by jou gelaat of veltoon pas nie – dit is ver genoeg van jou gesig af, maar skep steeds die indruk dat jy weet wat tans in die modewêreld aangaan.

Sonbrille
Het jy geweet gekleurde rame is tans nog ’n groot mode trend? (lees hier meer). Ons weet hierdie sonbrille sal enige dag ophelder.
Oefenklere
Jy mag dalk huiwerig wees om die skakering werk toe te dra, maar as jy (soos ons) lief is vir oefenklere met ’n verskil, probeer dalk ’n stel in ’n Very Peri skakering – ons is seker dit sal jou aanmoedig om te gaan oefen!
Swembroek
Die somer is nog vir ’n rukkie met ons … en so is hierdie ontwerpe (en natuurlik die Very Peri skakering) heel bo aan ons somerinkopielysie:
Bo-stukke en broeke
Lees ook: Maak jy hierdie uitverkopingfoute