Plekmatjies is ’n stapelitem in ons huise en ons het onlangs ’n hele klompie mooi plekmatjies raakgesien. Neutrale plekmatjies, kleurvolle plekmatjies, plekmatjies vir elke dag se gebruik, en weggooibare plekmatjies. Hier is 7 wenke vir plekmatjies koop. Deur Justine Kroes
26/07/2024
7 Wenke vir plekmatjies koop
- Hou die grootte in gedagte – plekmatjies behoort breed en wyd genoeg te wees om jou bord en eetgerei te hou.
- Hou ook die grootte van jou tafel in gedagte. Groot plekmatjies op ’n klein tafel kan besig en oorvol lyk.
- Kies skakerings wat by jou huisdekor, tafelkleur of tafeldoek sal pas. Dit bygese, is dit ook soms lekker om ‘n bont, kleurvolle tafel te dek.
- Hou die skoonmaak in gedagte; vir die wat jy gereeld gebruik, kies plekmatjies wat maklik skoonvee en hou dalk die materiaal-plekmatjies (wat gewas en gestryk moet word) vir spesiale geleenthede.
- Twee of drie stelle plekmatjies is ideaal, een stel vir elke dag se gebruik en die ander luukse en meer duursame plekmatjies vir gaste en en spesiale geleenthede.
- Daar is baie verskillende vorms beskikbaar, rond, reghoekig, ovaal – kies ’n vorm wat die beste by jou tafeluitleg en dekor inpas. Tans is plekmatjies met ‘n “scallop” afwerking in die mode.
- Hou die kontrasreël in gedagte – dit beteken wat ook al die skakering van jou bord, kies ’n kontrasterende plekmatjie.
Neutrale plekmatjies
Jy hoef nie altyd ’n tafeldoek te gebruik vir meer formele etes nie – jou plekmatjies kan dien as ’n manier om tekstuur as ’n interessante element by die tafeldekor by te voeg. Hier is ‘n klompie neutrale pleakmatjies wat ons raakgesien het:
Hier is ’n klompie gunstelinge:
Kleurvolle, unieke plakmatjies
Jou plekmatjies hoef nie vervelig te wees nie, sien dit as ‘n manier om ‘n interessante stylelement na jou tafel te bring. ‘n Bont kleurvolle gedekte tafel sorg dadelik vir ‘n goedvoel spasie saam geliefdes. Kyk net hoe mooi is die kleurvolle plekmatjies:
Plekmatjies vir elke dag
Kies hier plekmatjies wat duursaam is – plekmatjies wat baie maklik is om skoon te hou en skoon te vee. Plastiek of melamien is goeie opsies.
Hier is ’n klompie gunstelinge:
Weggooibare plekmatjies
Hierdie is pret! Bekostigbaar genoeg om te gebruik vir spesiale dae soos, Valentynsdag, Kersfees of Paasete eerder as om ’n hele stel te moet koop.
Dit is veral lekker om hierdie plekmatjies saam te neem op vakansie of te gebruik vir buitelug etes. Met hierdie plekmatjie kan jou tafel kleurvol en prettig wees sonder om honderde rande uit te gee op ’n stel wat jy dalk net ’n paar keer gaan gebruik.
Hier is ’n klompie gunstelinge:
Lees ook: Spasie Inspirasie: Pienk Pinapple House Boetiek Hotel
