Hierdie bykomstighede is groot nuus. Van uitstaan assimmetriese oorbelle tot drie-dimensionele blomme. Deur Suzanne Kotzé
Uitstaan assimmetriese oorbelle
Ons is mal oor hierdie bykomstighede trend. Dit is interessant, en maak ’n stelling sonder om te oordadig te wees. (Alhoewel dit ewe mooi in oordaad ook kan wees). Wees gewaarsku, jy moet hierdie met hope selfvertroue dra, want daar sal beslis ’n tannie of oom of twee wees wat vir jou sê: “Het jy dalk per ongeluk onpaar oorbelle ingesit vanoggend.”
En ja jy kan gerus jou eie oorbelle ook meng en pas. ’n Maklike manier om dit te doen is om by dieselfde metale te hou en bv. ’n klein indrukoorbel (stud) en een hang oorbel saam te dra.
Relier Isabelle Earrings (R2 200, Relier Design) Die verskillende blomme van hierdie handgemaakte oorbelle het 22k goue glans op). Ons is mal oor Suid-Afrikaanse ontwerper Chantel Wirth se mooi bykomstighede wat meer soos kuns vir jou ore is!
Drie-dimensionele blomme
Na al die drie-dimensionele rokke van Mei-maand se Met Gala en ook op die loopplanke, is drie-dimensionele blombykomstighede ook weer groot nuus. Van oorbelle tot 90’s styl ‘chokers’.
Strikke
Strikke is al lank groot modenuus en dit is nie sommer aan die verdwyn nie. Van in jou hare tot om jou nek. En selfs op jou sokkies.
Bonkige silwer
Bonkige silwer juwele à la die negentigs maak beslis modestellings. Hou jou voorkoms minimalisties deur dit saam met ’n wit hemp en jeans te dra (en bonkinge tekkies of selfs Docs).
