Die warmer dae is nou maar een maal sinomiem met buitekuier (en braai) en hier is van ons buitekuier-gunstelinge. Van opvoustoele tot braaibakalternatiewe en mooi eetgerei. Deur Suzanne Kotzé.
16/09/2022
Buitekuier-gunstelinge: Stoele
Opvoudekstoele
Hierdie Savuti dekstoele (R3 300 Haus by Hertex) is ideaal vir luilekker sit na ete of om natuurlik langs jou swembad te ontspan. Dit vou plat op en is maklik om te stoor en ewe maklik om op te slaan as die weer mooi is of as jy ekstra stoele nodig het.
Gee nuwe lewe aan ou stoele met verf
Kyk net hoe vrolik lyk hierdie ‘Malawiese’ geweefde stoel wat geel geverf is. Ek moes dit net afneem toe ek dit onlangs by hierdie mooi huis sien. Is die binne- en buite-areas nie net ongelooflik nie!
Franse sjarme
Hierdie Honolulu Dining Chair (R2 500, Mr Price Home) laat ons dadelik aan straatkafees in Parys dink. Dit is ideaal vir binne/buite-areas of buite-areas wat onderdak is.
Buitekuier-gunstelinge: Vir drinkgoed
As jy jou eie drinkgoed saamneem na ’n buitekuier by vriende (of ’n piekniek) kan jy dit net sowel in styl doen.
Buitekuier-gunstelinge: Vir peuselhappies
Soms neem ’n braai mos baie lank, en dit is ook deel van die luilekker kuier. Peuselhappies is daarom ’n moet.
Buitekuier-gunstelinge: Vir braaivleis
As jy moeg is vir jou veeldoelige (maar nie noodwendig mooi) braaibak.
Buitekuier-gunstelinge: Vir jou buitekuiertafel
Mervyn Gers Glazed Stoneware Tumblers (verskeie opsies beskikbaar by Yuppiechef of bestel dit direk by Mervyn Gers). Ek het nooit gedink ek sal my wit wyn uit keramiekglase drink nie, maar die tekstuur hiervan en die gevoel in jou hand is ongelooflik en dit hou jou wyn lekker koud!
Lees ook: Maak jou buite-area mooi
