Borrelrompe klink dalk intimiderend; en of dit groot modestellings maak, maar dink aan hulle as jou nuwe klassieke staatmakers. Soos jou elkedagse swart of wit romp, net met effens meer flair. Deur Suzanne Kotzé
Borrelrompe; baie volume of subtiele volume
Borrelrompe met baie volume (circa die 80’s) het gewoonlik ’n effense netvoering, of ’n ekstra materiaallagie om dit meer volume te gee. Die meer subtiele weergawes se materiaal word net onder omgevou en binne vasgestik.
Die meer volume voorkoms werk goed vir die aand of spesiale geleenthede, terwyl die minder volume goed werk vir elke dag.
Borrelromp wenke
Hou die bokant van jou uitrusting eenvoudig en nommerpas. Vermy ’n oorgroot bo-stuk, sodat jy net op een plek (jou romp) volume het.
Dra jou borrelromp saam met ’n gordel. Sommige borrelrompe het ’n mooi middel (soos Suzanne se swart romp), maar sommiges, wat net ’n rek bostuk het, mag dalk omvou by die middel en nie so netjies lyk nie. ’n Breë gordel werk goed as jy jou middel wil beklemtoon, veral vir die met uurglasfigure. of om die illusie van ’n middel te skep.
Borrelrompe werk goed om balans te skep. Onthou, waar jou borrel val, trek dit aandag. ’n Appel/ronde lyfvorm met mooi bene, kan gerus die mini-weergawes kies, terwyl die borrel van ’n midi of maksi die aandag van peervormige figure se heupe trek of groot borste uitbalanseer. Ons glo werklik daar is ’n borrelromp vir elke figuurvorm.
Borrelrompe op ons wenslysies
