Bonkige tekkies; ’n paar gunstelinge

Wanneer ons dink aan somerskoene dink ons gewoonlik aan pragtige leersandale, maar vanjaar bly die bonkige tekkie ’n gunsteling vir die somer ook. Hierdie tekkie, of die “dad shoe” soos dit in modekringe bekend staan, is reeds vanaf 2018 ’n gewilde modegier. Dis veral duidelik vanuit die die gebeure toe die modehuis Balenciaga se Triple S Sneaker letterlik oornag wêreldwyd uitverkoop het. Hierdie trendy styl pronk steeds aan die voete van bekendes soos Bella en Gigi Hadid en is selfs vanjaar weer op die mode loopplanke gesien. Deur Justine Kroes

Balenciaga se bekende Triple S Sneaker

Nie almal is braaf genoeg om hierdie modegier uit die 90’s en vroeë 00’s aan te gryp nie, maar ons wys jou hoe stylvol hierdie skoen werklik kan wees. Dra dit saam met jou denim, met jou pak, en selfs jou rompe en rokke.

Die bonkige tekkie, hoekom ons daarvan hou:

  1. Almal kan dit dra: Hierdie skoenstyl pas byna by elke lyfvorm, hetsy jy groot, klein, lank of kort is, enige iemand kan dit dra.
  2. Dit pas by alles: Dra dit saam met jou oefendrag, sjiek en gesofistikeerd by ’n pak vir werk, gemaklik met jou denim vir die naweek of selfs glansend by ’n rok of romp vir die aand.
  3. Kleur is koning: Kom ons wees eerlik, ’n bonkige tekkie is gemaak om aandag te trek, hoekom dan nou nie ’n helder opsie kies nie. Kies jou tekkie uit verskeie kleurkombinasies – die neon trend is nou baie gewild.
  4. Daar is ’n bonkige tekkie vir almal: As jy huiwerig is vir ’n 100% bonkige tekkie, is daar baie minder bonkige opsies ook beskikbaar wat steeds uitstaan is maar nie té oorgroot, kleurvol en dramaties is nie.

Dra die bonkige tekkie so:

By jou pak

Maksimalisme is die term van die oomblik in modekringe – ’n sterk kontras teenoor die minimalisme van vorige seisoene. Die modesilhoeëtte is wyer, losser en meer dramaties. Hou dit in gedagte waneer jy jou bonkige tekkie by jou pak wil dra. Die pakke vanjaar is losser en meer gemaklik gesny. Pakke met “Bermuda” kortbroeke en bonkige tekkies daarby is nog ’n modieuse manier om hierdie trend te dra.

Foto: Shutterstock

By jou romp of rok

Meer is meer, as jy die bonkige tekkie trend aanpak, moet nie terughou met die res van jou uitrusting nie. Kombineer jou “lelike” bonkige tekkies met jou sequin romp of rok met frille, valle, strikke en selfs pofmoue. Moenie dat die skoene die enigste element van jou uitrusting is wat aandag trek nie.

Foto: Shutterstock
Mr Price Chunky Trainer (R249,99)
Mr Price Chunky Trainer (R249,99)
Mr Price Chunky Trainer (R249,99)

By jou denim

Kies ’n denim met ’n anderste tipe silhoeët as die gewone noupyp denim om jou bonkige tekkie voorkoms te balanseer. Vir baie mag die bonkige tekkiestyl ’n oorgroot gevoel hê, wat dan vreemd sal lyk met ’n stywe noupassende broek daarby. Dink terug aan die 90’s-styl broeke en denims – hoë middelyf met regaf (effens losser) broekspype. Selfs ’n denim culotte sal werk by jou bonkige tekkies.

Mr Price Chunky Trainer (R249,99)
Mr Price Chunky Trainer (R249,99)

Hier is ons gunstelinge:

Steve Madden Anotnia Beige Snake Sneaker (R1399)
Luella Leisure Sneaker (R899 by Foschini)
Steve Madden Ajax Black Metallic (R1399)

UGG LA Cloud Low in Margarita (R1699)
FitFlop Freya Sneaker Grey (R2199)
UGG LA Cloud Low in LA Sunset (R1699)
Foschini Chunky Contrast Sneakers (R399)
Trenery Geri Sneaker (R1099 beskikbaar by Woolworths)
Steve Madden Match Neoen Yellow (R1299)
Mr Price Chunky Trainer (R219,99)
Madden Girl Contrast Sneakers with Snake Print (R899 by Foschini)

Lees ook: Sandale vir die somer

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
Lieflike linne; al jou linne klere vrae beantwoord
error: Content is protected !!