Foto: Old Khaki

5 Maniere om gingang te dra

Gingang oftewel die ruitjiespatroon is vanjaar een van die grootste modevoorkomste, veral beskikbaar in bypassende stelle, bykomstighede en selfs swembroeke. Elke paar jaar kom hierdie patroon weer terug in die mode, so dit mag dalk net hierdie jaar die moeite werd wees om in ’n ruitjiespatroon-item vir jou klerekas te belê. Daar is beslis ’n gingham daar buite met jou naam op – hier is 5 wenke om hierdie trend soos ’n modekenner aan te pak: Deur Justine Kroes

1. Dra ‘n bypassende stel

Moet nie bang wees om hierdie voorkoms in ’n bypassende stel te dra nie – meer is meer wanneer dit kom by patrone hierdie seisoen. Die pluspunt van ’n bypassende stel is dat elk van die items afsonderlik ook gedra kan word – ’n bate vir enige klerekas.

Me and B Black and White Gingham skirt (R599) top (R399)
Witchery Godet Midi Skirt (R1099)
Mr Price Double Breasted Blazer (R329,99) Mini Skirt (R159,95)

2. Speel rond met die grootte van die gingang patroon

As die baie fyn en klein patroon nie vir jou werk nie, probeer iets groters en meer bont. Hoewel mode reëls deesdae net gemaak is om te breek, hou wel die balans van die patroon teenoor jou lyfvorm in gedagte. Hoe kleiner en fyner jou lyfvorm, bly by ’n patroon wat nie jou liggaamsbou sal oorweldig nie. En dit geld ook vir as jy groter gebou is, pasop dat die patroon nie wegraak op jou liggaamsbou nie.

Witchery Tiered Dress (R1299)
Isabel de Villiers Gingham Picnic Dress (R1250)
Old Khaki Maggie Tiered Dress (R699)

3. Dra gingang strand toe

Desember is om die draai en lang dae langs die swembad of op die strand wag vir ons. Met ’n ruitjiespatroon eenstuk of tweestuk is jy definitief in die kol met jou modekeuses. Kyk net hoe mooi is hierdie ontwerpe in die allermooiste skakerings daarby:

Poetry Brea One Piece Swimsuit (R999)
Woolworths Print One shoulder Bikini Top (R169) bottoms (R179)
Seafolly Check Maiilot Swimsuit (R3399)

4. Vergeet van swart en wit alleenlik

Vergeet van die swart en wit gingang wat ons so goed ken en probeer ’n slag ruitjiespatrone in helder of selfs pastel skakerings. Hierdie seisoen is die kleure volop en ons gunstelinge is pienk, groen en rooi.

Habits Gingham Overshirt (R1599)
Superbalist Gingham Dress (R549)
Me and B Gingham Tiered Midi Dress (R899)
Witchery Shoulder Shirt Dress (R1399)
The Romantic Collective Lilac Dreams Gingham Dress (R880)
Superbalist Ruffle Sleeve Blouse (R379)

Lees gerus wat hierdie seisoen se moet-dra skakerings is hier:

5. Huiwerig? Probeer dalk eers ‘n bykomstigheid

As jy voel hierdie trend is te veel little house on the Prairie vir jou persoonlike styl, begin dalk stadiger en kies ’n interessante bykomstigheid. Die opsies hierdie seisoen is eindeloos vanaf skoene tot bucket hats en handsakke. ’n Syserpie of haarscrunchie in jou hare is altyd ’n stylvolle opsie.

RUBI Soho Bandana (R119)
Mango Pastel Orange Sandals (R1199)
Trenery Eman Trilby (R499)
Superbalist Gingham Summer Hat (R299)
Trenery Emma Gingham Sneaker (R1099)
Superbalist Gingham Bucket Hat (R299)

Oor ons

Stylvol sosiale media

Nog Stories
Somer-/lenteskakerings wat nou groot nuus is
error: Content is protected !!