Het jy ook al gewonder hoe gemaak met jou wynversameling? Ons het vir binnehuisversierder, ontwerper, kenner en konsultant Anna Correia gevra hoe gemaak met wyn? Sy deel haar kundige raad, uitstalwenke en die moets, moenies vir wanneer jy wyn as ’n dekorelement wil gebruik.
Dit maak natuurlik nie saak of jy nou 10 of 100 bottels in jou versameling het nie, daar is stoor en wyn-uitstalplanne vir elkeen se behoeftes en dekorvoorkeure. Deur Justine Kroes
14/06/2024
Hou dit in gedagte vir wynstoor:
Anna Correia ’n bekende binneversierder, deel haar top moets en moenies wanneer dit by jou wyn- versameling kom:
Temperatuur, ligging, humiditeit en ventilasie is belangrik
Anna sê “Die temperatuur, asook waar jy jou wyn stoor is belangrik. Wyn behoort in koeler areas gestoor of gebêre te word.”
“Ligging, temperatuur, vlakke van humiditeit en ventilasie hoort almal in gedagte gehou te word wanneer jy ’n spasie kies om jou wyn te stoor of uit te stal. Dit is belangrik is om ’n goeie balans van die regte ligging, temperatuur, humiditeit en ventilasie te hê in so ’n spasie”.
Anna Correia
Hou uit direkte sonlig
Moet nie wyn in ’n area stoor or uitstal waar dit in direkte sonlig gaan wees nie.
Stoor jou wyn horisontaal
Anna verduidelik dit is ook belangrik om wyn horisontaal te stoor indien moontlik. Hierdie truuk keer dat die kurk uitdroog, wat lig kan inlaat en jou wyn se verouderingsproses beinvloed.
Die nuwe manier vir wyn uitstal
Anna sê die nuutste manier om jou wyn as ’n dekor element te gebruik is om ’n “feature wine wall” te skep, dit is ’n unieke manier om jou wyn uit te stal.
Anna se dekorraad: “gebruik ligte en afwerkings soos hout, natuurlike steen en metale in jou ontwerp van so ’n “wine wall” om dit interessant te hou en jou spasie te verhef”.
“Hoewel ’n wynmuur nie vir almal is nie, kan jy ook kyk na wynkabinette met ingeboude wynkoelers of wynkoelerlaaie. Die laaie is natuurlik esteties aangenaam en jy kan afwerkings soos hout en steen en spieëls hier gebruik as ekstra dekorelemente.” Verduidelik Anna.
Hier is nog ’n paar oulike maniere om jou wynversameling te wys:
Wyn uitstalidees vir teen die muur:
Wyn uitstal vir op die toonbank:
Anna Correia
Anna Correia ’n bekende binneversierder, ontwerper, en konsultant. Volg vir Anna op sosiale media hier.
