Hier is strooikussingwenke vir jou bed, want strooitkussings is ’n maklike manier om bietjie nuwe lewe in jou slaapkamer (dekor) in te blaas. ‘Dit laat dadelik jou spasie anders voel,’ deel dekorstilis Kalinka Lombaard van The Home Collective met ons. Saamgestel deur Suzanne Kotzé.
28/06/2024
Nadat ek self onlangs lus was vir klein veranderinge en meer tekstuur in ons slaapkamer, het ek agtergekom strooikussings vir jou bed is ’n wonderlike manier om jou spasie anders te laat lyk, maar om die regte grootte en hoeveelheid strooikussings te kies vir jou bedgrootte is nie altyd so eenvoudig nie.
Hoop hierdie diagramme help jou.
Strooikussing-idees en groottes vir jou koning-grootte bed
Strooikussing-idees en groottes vir jou koningin-grootte bed
Strooikussing-idees en groottes vir jou dubbelbed
Sewe strooikussingwenke vir jou bed
Ons het dekorstilis Kalinka Lombaard van The Home Collective gevra vir raad
1. Neem jou kleurpalet in ag
Onthou om jou kleurpalet van jou kamer en bedlinne in ag te hou en saam met dit te werk as jy strooikussings kies.
2. Gebruik verskillende groottes kussings
Onthou altyd groot agter en kleiner voor. Meng gerus ook die vorms van die kussings.
3. Gebruik tekstuur as jou kleurpalet neutraal is
As jy van ’n neutrale palet hou, is dit mooi om verskillende teksture te gebruik. Dit hou dit interessant sonder om te kleurvol te raak.
4. Meng kleure en patrone
As jy ’n kleurliefhebber is, moenie bang wees om verskillende patrone te meng nie. Mooi stepe met ’n blom of ’n paisley patroon kan saam gemix en match word. Onthou die goue reël as dit by patrone meng kom, maak seker daar is een deurlopende kleur wat die patrone bind.
5. Die grootte van jou bed is belangrik
Hoe kleiner die bed, hoe minder kussings. ’n Mens wil nie die bed so vol pak dat dit oorweldig word nie. Daar moet nog steeds lekker spasie wees.
6. ’n Throw of kombers vir afronding
Mooi strooikussings word altyd goed afgerond met met ’n throw/kombers. Kies iets wat meer neutraal is as jou kussings patrone op het. Of werk met tekstuur. Dis altyd ’n wenner.
7. Bêre jou strooikussings
Die versoeking is dalk daar om net jou strooikussings van die bed af te gooi, en neer te val op jou bed. Maak dit deel van jou aandroetine om jou kussing af te haal en op ’n bank of stoel te pak, jou pantoffels uit te trek en in die bed in te klim.
Op ons kussing-wenslysie
