Polkakol mode, terug en hier om te bly

Vanjaar is daar ’n klomp patrone, insluitend strepe en grafiese blompatrone, wat die modewêreld oorneem, maar een patroon wat die kol(lig) behoorlik steel is die klassieke polkakol. Modeliefhebbers sal saamstem; as ons maar net ’n rand gehad het vir elke keer wat polkakolle weer terugkeer as ’n mode-trend was ons nou al eienaars van ons eie polkakol modehuis!

Vanjaar is die polkakol kleiner en meer klassiek as vorige jare se groot en dramatiese polkakolle. In hierdie artikel deel ons wenke om polkakolle reg te dra asook ons gunsteling polkakol mode-items wat nou in die winkels en aanlyn beskikbaar is: Deur Justine Kroes

09/02/2024

2024 se Polkakol lyk so:

Hierdie jaar is die polkakol aansienlik kleiner as vorige jare se groot en dramatiese kolle. Op internasionale mode loopplanke by Elie Saab, Vivetta, Dolce & Gabbana, Balmain, Stella McCartney, & Carolina Herrera was dit duidelik dat die polkakolle vanjaar kleiner is, in moderne snitte met romantiese afwerking soos valle (ruffles) en 3dimensionele blomme.

Foto: Vogue Runway Spring Summer 2024; Balmain; Carolina Herrera, Stella McCartney, Vivetta, Dolce & Gabbana

Vorige seisoene se kleurvolle polkakolle is verruil vir die klassieke swart en wit, vlootblou of meer neutrale polkakol kleurpalette.

Dra jou polkakolle so:

Hou die silhoeët in gedagte:

Om te vermy dat jy soos ’n tagtigs popster lyk, is dit belangrik om polkakol items te kies wat meer modern is. Ons praat hier van regaf gesnyde rokke en rompe en bloese sonder groot dramatiese skouerkussings.

Mango Ruffles Printed Blouse (R1 199)

Indien jy wel ’n “vintage” polkakol gunsteling in jou kas wil dra, kombineer hierdie item met ’n meer moderne item, soos byvoorbeeld jou polkakolbloes met ’n moderne regaf denim.

Deursigtige kolle

Vanjaar is “sheer” of eerder deursigtige klere items steeds baie gewild, en so ook deursigtige polkakol mode-uitrustings.

Dolce & Gabbana Spring Sumer 2024 Vogue Runway
Dolce & Gabbana Spring Sumer 2024 Vogue Runway

Ons dink natuurlik met die regte onderrok of onderklere kan hierdie tendens sjiek en stylvol lyk.

Polkakolle by ander patrone

Het jy geweet jy kan patrone meng en saam dra, ja, jou polkakol kan by ’n streep- of blompatroon gedra word. Mits jy seker maak dat daar kleurskakerings in elke patroon is wat ooreenstem met die ander item.

Foto: Blair Eadie @blaireadiebee

Dra verskillende polkakolle saam

Polkakol patrone bymekaar? Beslis! Die goue reël is natuurlik dat die polkakolle verskillend genoeg moet lyk – dit hoef nie ’n reuse verskil te wees nie maar die een kledingstuk se polkakolpatroon moet effens groter of kleiner as die ander kledingstuk se polkakol patroon wees. Skakerings moet natuurlik ook ooreenstem.

Patroon en polkakol meester modebekende Blair Eadie is ‘n meester met patrone kombineer. Volg haar op Instagram @blaireadiebee vir mode inspirasie

Polkakol bykomstighede

Balmain Spring Summer 2024 Vogue Runway

As jy voel kop tot toon polkakol is dalk nie in lyn met jou stylpersoonlikheid nie, probeer dalk ’n kleiner polkakol modebykomstigheid – ’n maklike manier om hierdie klassieke en tydlose trend aan te pak.

KELSO Pointed Slingback Kitten Heel
Lovisa Black & White Polka Dot Bandana Hair Scarf (R270)
Woolworths Polkadot Scarf (R199)

Hier is ’n paar van ons polkakol gunstelinge:

Me & Be Joy Kaftan in Black with White spot (R899)
Superbalist Midi Pinafore Dress Ecru & Black Spot (R499)
Mr Price Oakridge Formal Satin Wrap Dress (R229,99)
Zara Polka dot Shirt (R679)
Opari Polkadot Ruffle Midi Dress (R2 399)
H&M Satin Wrap Shirt Dress (R449)
Forever New Shayla Cuff Detail Midi Dress (R1 799)
H&M Draped Thong Body Cream Spotted Superbalist (R249)
Mango Printed Dress with Asymmetrical Hem (R2 299)

Lees ook: Vanjaar se grootste modetrends

Teken in op ons nuusbrief en word deel van die binnekring.

Handige ekstra wenke en raad, spesiale afslag en wenke, slegs vir die binnekring.

Oor ons

Stylvol sosiale media

Nog Stories
ou geld aantrekstyl
“Ou geld”-aantrekstyl; die modetrend van die oomblik
error: Content is protected !!