’n Valentynspiekniek is sekerlik nie vreeslik oorspronklik nie, maar met ons lekker weer hierdie somer, bly dit ’n wenidee. Deur Kalinka Lombard en Heloise Louw van The Home Collective.
Foto’s: Marloise Burger, Model Lene van den Berg, konsep en stilering The Home Collective
Wenke vir ’n heerlike Valentynspiekniek

Embroidered Amajuba Geometric Scatter Cushion, (R199, Mr Price Home)


- Kies ‘n plek wat vir julle albei spesiaal is – ’n mooi staproete, park of die strand. Maar moenie vergeet dat jou eie tuin of selfs sitkamer net so spesiaal of pret kan wees nie.

- Maak seker jy het genoeg komberse en kussings; niemand wil ongemaklik sit nie. ’n Ekstra kombers om jou warm te hou as dit dalk koel word is ’n moet.
- Pak ’n slaapsak in om onder jou mooi kombers te sit, sodat jou kombers nie vuil word nie.
- Kerse is geneig om dood te waai, so pak gerus feëtjieliggies in wat met batterye werk as jy van plan is om in die skemer piekniek te hou. Plaas dit in ’n mooi glasfles.
- Maak seker jy neem goeie glase saam, niemand wil iets lekkers drink uit plastiek nie!

- ‘n Houtplankie en ’n skerp mes is ook belangrik en dit is iets wat ’n mens maklik vergeet.
- Maak jouself mooi – ’n mens voel sommer meer romanties in ’n mooi rokkie met ’n bietjie lipstiffie aan – reg vir jou ‘romcom’-oomblik!

The Home Collective

Vriendinne Kalinka Lombard en Heloise Louw het beide ’n oog vir mooi goed en is passievol daaroor om mooi en gelukkige woonspasies te skep. Heloise is al vir langer as 14 jaar ’n stilis terwyl Kalinka ondervinding as tydskrifredakteur en van kunsredigering het. Lees meer oor The Home Collective hier