Kersgeskenke vir modeliefhebbers

Jy het dalk ’n modeliefhebber op jou kersgekenkkooplysie – maar is nie seker wat om vir haar te koop nie? Moenie bekommer nie – ons het ’n lys van 25 geskenk-idees saamgestel wat enige modeliefhebber se hart vinniger sal laat klop! Deur Justine Kroes

24/11/2023

Lekker slaapklere

Daar is maar net iets omtrent ’n mooi stel slaapklere wat enige iemand se nagrus sal verbeter!

Onthou modeliefhebbers is gewoonlik kenners van materiale – veral wanneer dit by slaapklere kom, luukse, gemaklike en materiale wat “asem”haal soos katoen, bamboes of linne is ’n moet.

Poetry Abbey Short Sleep Set (R899)
Boody Goodnight Sleep Tee (R619,95) & Sleep shorts (R519,95) 
Anna Louise Peachy Pink Floral Short Set (R700)

Juwele vir modeliefhebbers

Die meeste van ons modeliefhebbers gaan nie nee dankie sê vir ’n blink geskenkie nie! Juwele en bykomstighede oor die algemeen bly stylkenners se stapel-items. Oorbelle, ringe en hangertjies word gebruik om uitrustings saam te trek en af te rond.

Oorbelle, ’n paar mooi oorbelle wat ’n stelling maak: Poetry Flower and Shell Drop Earrings (R199)
Janine Binneman se ontwerpe is iets unieks! Miss Messy Ring (pryse wissel van R5 500 tot R6 900).
Anha Leaf Clay (R225)

’n Stylvolle inkopiesak

Ons almal probeer “groener” inkopiekeuses maak – hoekom dan nou nie ’n volhoubare “shopper” inkopiesakgeskenk nie? Een wat lank sal hou maar steeds jou vriendin sal laat stylvol lyk in die proses.

Hooked on Kinda Ruffle Bag (R300)
H&M Fringed Shopper (R429)
Me & Be Straw Bag (R299)

’n Handsak

Hou jou vriendin se styl hier in gedagte en dink aan die sakke wat hul reeds het, dalk ’n strooihandsak vir die vakansie of as sy graag reis is ’n moon bag tipe handsak wat oor haar lyf kruis dalk ’n goeie opsie.

Just Cruizin Kelly Leather Crossbody Moonbag (R2 680)
Ateljee Michel Leather Moon Bag Silver (R1 195)
Stonecamp The Pouch (R940)

’n Mooi sonhoed

’n Ontwerperssonhoed is iets wat jare lank sal hou – en so ’n stylvolle geskenk. As ’n ontwerpershoed nie jou begroting pas nie – loer na mooi unieke laphoede, en kies een wat die persoon vir wie jy koop se stylpersoonlikheid die beste pas.

Me and B Summer Hat in Midnight Bloom (R399)
Freya Hats The Kai Hat (R399)
Freya Hats The Maya Palm (R449)

Somerskoene

Tydlose, gemaklike en goeie kwaliteit somerskoene is ’n goeie geskenk-idee. Leersandale of espadrillestyl skoene is hoog op ons mode moet-hê lysie, iets gemaklik wat by byna enigiets in ’n modeliefhebber se kas sal pas.  Want watter vrou het ooit genoeg skoene!?

Roea Clothing Toni Pons Amer Platinum (R2 200)
Birkenstock Madrid Big Buckle Patent (R3 199)
Madison Hannah Flatform Strap Sandal Tan (R549)

Mode koffietafelboeke

Koffietafelboeke is ’n tydlose geskenkopsie wat jare lank sal hou en spesiaal bly; psst onthou om ’n boodskappie voor in die boek te skryf.

Hier is ’n paar oulikes by Poetry beskikbaar:

Chanel Catwalk: The Complete Collections (R1 665 Poetry)
DIOR Catwalk (R1 815 Poetry)
Vivienne Westwood Catwalk (R1 650 Poetry)

Vir die Spieëltafel

’n Mooi juweelkisse, of stoorplek vir iemand met baie bykomstighede is altyd welkom, kyk hoe handig (en mooi!) is hierdie:

Veilige hawe vir ringe Country Road Zoe Ring Stand (R249)
Pedersen Lennard Purl Jewellery Box (R3 500)
Country Road Zoe Extra Jewellery Box (R599)

Subskripsieboks

’n Boks bederf wat maandeliks of elke seisoen uitgereik word is ’n wonderlike geskenk vir iemand wat lief is om bykomstighede en klere-items te ontvang.

The Box Fashion is ’n slimboks subskripsie/lidmaatskap waar jy elke seisoen ’n boks bykomstighede ontvang – jy betaal ’n maandelikse fooi in ruil vir ’n boks propvol seisoengepaste bykomstighede soos handsakke, ringe, oorbelle, hoede, serpe, handskoene en nog vele meer. Leer meer hier.

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
Kenners deel – hierdie 7 skoenstyle hoort in elke vrou se klerekas
error: Content is protected !!