Die oulikste kosblikke en waterbottels (vir grootmense en kinders)

Binnekort is dit weer terug skool toe en ons nuwejaarsvoornemes van gesonder leef lê vlak in ons gedagtes – hier is 5 wenke om in gedagte te hou wanneer jy ‘n kosblik kies. Plus 22 van die oulikste kosblikke en waterbottels op ons kooplysie. Ons het vir jou die soekwerk gedoen sodat jy nie hoef nie! Deur Justine Kroes

12/01/2023

6 Wenke om die regte kosblik te kies:

1. Materiaal is belangrik

Let op na die materiaal waarvan die kosblik gemaak is – kies een wat lank sal hou (onthou goedkoop koop is meestal duur koop), een wat nie sal breek as dit eenkeer val nie (veral belangrik vir die kinders se kosblikke). Kies ook ’n kosblik wat lood en “BPA” vry is sonder enige skadelike chemikalieë. Glas (vir grootmense), en vlekvrye staal, BPA-vrye plastiek of bamboes is goeie opsies.

2. Dit moet goed seël

Maak seker die waterbottel of kosblik kan goed seël. ’n Skoolsak vol water, sap en kos is iets waarmee niemand wil sukkel nie.

3. Probeer ‘n Bento Box

Probeer ’n “Bento Box” – die woord en kosblikontwerp met verskeie kleiner afdelings is afkomstig van Japan se “Bento” wat verwys na ’n enkele verpakte wegneemete, als op sy plek gereed om enige plek te geniet. Ons hou van die idee van verskillende afdelings waar verskillende kossoorte geskei kan word – veral goed vir daardie kieskeurige mondjies wat nie daarvan hou dat al die verskillende kosse aan mekaar raak nie.

4. Kies skottelgoedwasserveilige opsies

Kies liefs waterbottles en kosblikke wat in die skottelgoedwasser gewas kan word – jy wil nie nog voordat jy kosblikke pak staan en was nie. Kies ook een wat maklik genoeg kan skoonkom sou jy dit eerder met die hand was – nie een met klomp hoekies en draaitjies wat ’n nagmerrie is om skoon te maak nie.

5. Hou dit koel

Dit is dalk bietjie duurder, maar kies ’n kosblik of waterbottel wat geïsoleer/ insuleer is. Dit hou jou water vir ure lank koud en jou kos koel en vars. ’n Kos koelsakkie sal ook natuurlik hiermee help.

6. Bykomstighede

Deesdae is daar so baie slim bykomstighede vir jou kosblik. Oulike steekvurkies vir kinders, toebroodjie uitdrukkers (koekiedrukkers werk net so goed!). Selfs oulike notas wat jy elke dag in jou kind se kosblik kan pak.

Loer net hier:

Crunchbox Little Lunchbox Notes (R139 yuppiechef.com)
Crunchbox Animal food forks Set of 8 (R119)
Tovolo Sandwich Shaper (R97 yuppiechef.com)
Zoku Kids Pocket Utensil Set of 3 (R389 yuppiechef.com)
Kidico Lunch Box Love Notes (R91)

Kosblikke vir kinders:

Crunchbox is ’n gunsteling vir ons. Met 5 Bento-styl afdelings, kan hierdie kosblik in die mikrogolf en in die skottelgoedwasser gebruik word. Dit seël goed en is BPA-vry. Jy kan verskillende “covers” (die prentjie gedeelte) koop vir bo-op die Crunchbox wat jou kosblik na ’n splinternuwe een laat lyk. Beskikbaar in 4 verskillende skakerings. Hierdie produk word verkoop met ’n een jaar waarborg.

My Crunchbox (R449)
My Crunchbox (R449)
Mepal Campus Lunchbox (R239 yuppiechef.com) Gebruik die Bento-styl boks, of haal die lagie uit en gebruik dit as ’n normale kosblik. Allermooiste ontwerpe op die deksel.
Yokico Ocean Friends Clear Bento Lunchbox (R449) verskillende ontwerpe vir seuns en dogters beskikbaar.
Takealot Kids Stainless Steel School Food Container (R293)
Zoku Neat Bento Lunch Box (R599 yuppiechef.com) lekbestand, bevat ’n paar houers vir souse of neute en ’n koue sakkie wat kos koud en vars hou. BPA- en ftalaat-vry.

Waterbottels vir kinders:

Mepal Campus Pop-up Water Bottle (R279 Superbalist) is lekbestand – met een druk van die knoppie maak die waterbottel oop. 400ml groot en is veilig om in die skottelgoedwasser te pak.
Sistema 460ml Hydration Twister Bottle (R129) Draai oop en toe, maklik genoeg vir kinders om te gebruik.
Zoku Pops Kids Flip Gulp Bottle (R379) beskikbaar in 4 verskillende ontwerpe. Is 100% lekbestand met 1 jaar waarborg.

Kosblikke vir grootmense:

Eva Solo To Go Lunchbox (R769 vir R750ml) geinsuleer om bestanddele koel te hou, perfek vir slaaie.
Mepal Take a Break Bento Lunchbox (R319 Superbalist) gebruik dit as ’n Bento Box of verwyder die afdelings vir ’n kosblik op sy eie.
Woolworths Serious Cook Lunbox with Ribbed Lid (R249), seël met silikoon aan die binnekant, is BPA vry en eko-vriendelik. Kan in die mikrogolf en skottelgoedwasser gebruik word.
Smartlife Clicks Lunchbox 1200ml (R84,99). Hierdie kosblik het verskeie afdelings plus ’n handige houertjie vir jou slaaisous.

Waterbottels vir grootmense

Dit gons regoor oor die wêreld oor die reuse Stanley flesse – soveel so dat dit aanhoudend uitverkoop. Danksy sosiale media en ’n slim bemarkingsplan is hierdie waterbottel die moet-hê op almal se lippe. Hoewel ons ook baie daarvan hou en dink dit mooi is – dink ons daar is ’n hele klompie meer bekostigbare waterbottels wat dieselfde werk doen. (Tans uitverkoop in SA, koste so ongeveer R1 299).

Crunch Flasks (R370) beskikbaar in 4 skakerings. Hierdie 500ml fles waterbottel het ’n “double-walled vacuum” wat beteken die bottel hou jou koeldrankies tot en met 18 uur lank koud en jou warm drankies tot 8 uur lank warm.
Woolworths Manna Retro Metallic Silver Bottle (R249,99 590ml) Nog ’n “double walled vacuum” waterbottel/fles wat drankies vir ure lank koel of warm hou.
Babylonstoren Wildflower Water Bottle (R280 vir 600ml) is darem maar so mooi!

Koelersakkies

Babylonstoren Keep it Cool Wildflower Lunch Bag (R180)
Thandana Bags Kids Snack Box Cooler Laminated Fabric (R1 399)
Thandana Bags Thermal Cooler Laminated Fabric (R969)
Lekue To Go Lunch Bag (R369 yuppiechef.com)
Woolworths Antibaterical Geometric and Solid Orange Double Decker Cooler (R249,99)
Woolworths Floral Tie-Dyed Design Lunch Cooler Bag (R169,99)
Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
glansryke kerstafel
Glansryke Kerstafel met tikkies pienk en goud
error: Content is protected !!