Foto Muze

Die nuwe blompatrone – dra dit so:

Hierdie seisoen gaan dit oor uitstaan en goedvoel in jou “dopamine dressing” kledingstuk – helder, bont en duidelike patrone wat aandag trek is aan die orde van die dag. Die nuwe blompatrone hierdie seisoen hou ook nie terug nie. Ons deel vyf wenke om in gedagte te hou wanneer jy blompatrone dra en wys 12 gunstelinge wat ’n plek verdien in iemand se klerekas hierdie somerseisoen. Deur Justine Kroes

23/09/2022

Hierdie seisoen se blompatrone:

Die winter wat verby is se blompatrone was klein, fyn en effentjies maar vir die somer en lente is die patrone groter, meer duidelik, bont, kleurvol en helder.

Vir die somer is die agtergronde van die blompatrone ligter of helder – nie soos die “shadow florals” (met ’n donker agtergrond) vir die winter nie.

Blompatrone is groot in bloese, broeke en hemde – selfs groot in unieke bykomstighede soos oorbelle en vorm deel van die seisoen se blomme trend.  

Zara Gilden Metal Floral Earrings (R419)
Zara Daisy Necklace (R539)
Barethreads Flower Earrings (R329)

Selfs die Tropicana (tropiese) motiewe met blomme daarby is groot nuus.

MUZE Mandarin Top Call of the Jungle (R1150)

Blare gekombineerd met blomme en diere. Of selfs net blaarmotiewe op hul eie in neutrale skakerings – hierdie trend word na verwys as ‘Desert Topics’.

Good Clothing Toucan Jumpsuit (R1400)
Witchery Green Tropical Linen Dress (R1999)
Muze Maxi Shirt Dress Call of the Jungle (R1395)

5 wenke vir blompatrone dra:

1. Begin eenvoudig

Indien jy huiwerig is vir ’n blompatroon – begin klein. Dra ’n bykomstigheid met blompatrone of dalk net ’n blompatroon bloes of T-hemp om te toets hoe jy daarin voel wanneer jy dit dra.

2. Moenie skrik vir vroulike patrone nie

Indien jou stylpersoonlik meer edgy as sag en vroulik is, moet nie afgesit word deur vroulike blomme nie. Dra jou leer “biker” baadjie of enkelstewels by jou bompatroonuitrusting. Dit skep balans tussen die meer vroulike en amper manlike stylelemente. En lyk boonop sommer net cool.

3. Groot vs klein blompatrone

Groter blomme werk gewoonlik vir groter lywe en klein blomme vir meer petite lywe. Hoe groter die patroon, hoe kleiner laat dit jou vertoon, dus as jy sekere areas wil laat slanker lyk, dra ’n groter blompatroon. Maar bygesê, is dit nie ’n goue reël nie, pas aan en kyk wat werk die beste by jou liggaamsbou. As dit vir jou reg lyk en jy voel gemaklik daarin, is dit die regte blompatroon vir jou.

4. Let op waar en wat die patroon beklemtoon

Onthou as jy ʼn patroon op ʼn spesifieke gedeelte dra, sal dit juis daardie gedeelte beklemtoon. So as jy nie daarvan hou dat jou borste beklemtoon word nie, moet nie ʼn bloes dra met twee groot rose op die bors nie. Of as jy nie graag aandag wil trek na jou heup of boudarea nie, bly weg van groot blompatrone hier.

5. Probeer ’n abstrakte blompatroon

Zara Crossover printed blouse (R799)

‘n Abstrakte blompatroon is bietjie iets anders as die doodgewone blompatrone nie na jou smaak is nie. Iets wat lyk na ’n blompatroon sonder al die effentjies detail. Die meeste lyk na waterkleurkuns, of is effens geblur.

Die nuwe blompatrone – hier is 12 van ons gunstelinge:

Muze Balloon Sleeve Shirtdress Ambrosia (R1395)
Zara Cropped shirt with ruffles (R699)
Mango Floral Crop Top (R799)
Mango Floral Print Blouse (R799)
Mango Cotton Flower Shirt (R799)
Mr Price Ladies Project Maxi Dress (R229,95)
Barethreads Printed Woven Dungaress (R499)
Poetry Norah Fit & Flare Dress (R1399)
Muze Long Skort Ambrosia (R1395)
Trenery Cotton Stencil Print Dress (R1799)
Pretpakkie Nicole Jumpsuit (R750)
Barethreads Embroided Midi Dress (R1099)

Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
8 grootste modefoute volgens kenners
error: Content is protected !!