Van knoopkerse tot ovaalvorms, marmer en die mooiste beker. Hier is ’n paar dekorgunstelinge wat ons die afgelope ruk aangeskaf of raakgesien het. Deur Suzanne Kotzé
04/09/2023
Knoopkers
Hierdie kers is so mooi, mens wil dit amper nie aansteek nie.
Half of me home Large Knot Candle (R319, epos hello@carynklein.com om te bestel)
Nog mooi geometriese kersvorms om van te kies
Ovaalvormige snuisterybordjie (trinket tray)
Hierdie bordjie is mooi om op jou bedkassie te sit, waar jy dalk jou elke dag se juwele afhaal en dit net rondlê. Of jy kan jou gunsteling skoonheidsprodukte daarop uitstal. By die tafel werk dit weer goed om twee klein bakkies (sous of doopsous is ideaal) op neer te sit.
Beker met die mooiste ring-oordetail
Toe ons onlangs vir Less Wragg, skepper van die mooi beker, ontmoet, het sy vertel dat hierdie ’n inperkingsprojek was wat nou so gewild geword het, dat sy selfs begin uitvoer. Hierdie spesiale beker is ideaal vir alleentyd (geen kinderhandjies kom naby daaraan nie!).
Ovaalvormige marmer opdienbord
Hierdie bord lyk nie net soos marmer, nie maar is van marmer gemaak. (baie van die goedkoper opsies is van steen gemaak wat soos marmer lyk). Dit lyk ewe mooi om goed op uit te stal (blompotte, kerse, selfs skoonheidsprodukte) of met kase en druiwe of ander eetgoed op.
Country Road Hast Marble Bowl (R699, Woolworths)
