Jy is aangetrek, jy’t jou gunsteling rok aan, skoene aan, nou benodig jy net daardie laaste element – ’n juweel of bykomstigheid wat jou hele uitrusting sal afrond. Ons deel 10 van die grootste juweel-trends vir die somer, van gemengde metale, moderne pêrels en helder stene – ’n juweeltrend vir elke stylpersoonlikheid. Hier is duursame stukke wat jare lank sal hou insluitend prettige ontwerpe, dalk iets wat ’n tipe kopie vir meer as een seisoen is: Deur Justine Kroes.
18/11/2022
1. Bonkige armbande (cuffs)
Bêre die seisoen jou fyn armbandjies eenkant (moet nie ontslae raak daarvan nie, onthou modes herhaal hulself!) en kies ’n bonkige (chunky cuff) styl armband. Gesien op loopplanke by Etro, Prada en Fendi is die een van die seisoen se gewildste juweel-tendense.
Hou dit eenvoudig met een bonkige goue armand vir ’n simplistiese voorkoms of ’n paar verskillende armbande bo-op mekaar gestapel om jou pols, voorarm of bo-arm.
2. Emalje juwele (enamel)
Dopamien juwele op sy beste. Helderkleurige emalje juweelontwerpe is beslis ’n groot tendens.
Neon en helder skakering oorbelle en nekstukke wat byna lyk asof jy hulle kan eet is tans volop in die winkels. Dra klomp skakerings by mekaar in lae vir ’n ekstra prettige effek. Hoewel die emalje ontwerpe minimalisties is in ontwerp het hul duidelik ’n maksimalistiese impak op jou voorkoms.
3. Blomme
Hierdie trend is pret en val veral in die ’meer is meer’ kategorie. Oogroot blom oorbelle of halssnoere is veral in. Kies helder skakerings vir die ‘meer is meer’-effek.
4. Liggaamjuwele (body chains)
Onthou jy die destydse belly chains?! Nou ja, die tendens is terug en groter as ooit van te vore.
Gesien op internasionale loopplanke van ontwerpers soos Chanel en Acne Studios is dit ’n gewilde tendens om by ’n plain wit ‘vessie’ te dra, eenvoudig maar met ’n tikkie cool.
5. Serpjuwele
En nee hierby bedoel ons nie juwele vir jou serp nie, dink eerder aan oorbelle en halssnoere wat omvou is in soortgelyke serp-agtige materiale. Soos op die loopplanke gesien by Versace.
’n Slim manier om kleur en ’n element van diepte by jou uitrusting in te bring.
6. Choker
Een van die bykomstighede wat al ’n rukkie lank groot nuus is te danke aan die y2k (90’s vroeë 2000’s) modes wat steeds trend. Daardie halssnoer wat styf om jou nek span. Alhoewel hierdie seisoen is die choker meer bonkig, blink en dramaties. Dra dit meer gemaklik by jou T-hemp en denim vir daardie High Low modevoorkoms of by ’n rok vir ’n troue of meer formele geleentheid.
7. Reënboog skakering stene
Kleur is oral, dit is geen geheim nie– hoewel stene in reënboogskakerings ’n meer unieke manier sal wees van kleur dra. Helderkleurige edelstene in skakerings van die reënboog in oorbelle of ’n halssnoer is tans ’n gewilde opsie.
8. Gemengde metale (mixed metals)
Mixed metals verwys na die tendens waar jy meer as een metaalskakering bymekaar dra. Byvoorbeeld, silwer en goud wat saam gedra word. Verby is die dae wat jy of net ’n silwer of net ’n goud stylpersoonlikheid was. Vandag behoort jou juweelkissie oor te loop van beide metaalskakerings!
Jy kry die beste van albei elemente, modern van die silwer en die klassieke voorkoms van die goud. As jy huiwerig is, stapel dalk eers ’n paar goue en silwer ringe op mekaar om gewoond te raak aan die tendens.
9. Moderne pêrels
Kan pêrels modern wees? Ja beslis! Vergeet van ’n doodgewone string pêrels, Kies die seisoen een van die gewildste juweel-trends pêrels met metaalafwerkings (en selfs kleur) daarby.
Pêrel oorbelle en ringe met sjiek minimalistiese ontwerpe is veral hoog op ons kooplysie vanjaar.
10. Link/skakel juwele
Juwele met “skakels” was nog nooit regtig uit die mode nie, maar hierdie somerseisoen is dit veral in.
Link chains wat as halssnoere op mekaar gestapel word, die dramatiese groot skakels is duidelik ’n tendens.
Gebruik die kode Stylvol2022 vir 10% afslag op enige Iloni juwele – of klik hier (of op die advertensie) en 10% afslag sal outomaties aan jou toegedien word.
