blompotte
blompotte

Maak ’n stelling met blompotte

Van mideeus tot minimalisties, amber en rokerige kleur tot keramiek blompotte. Hierdie is die blompotte en style wat nou groot nuus is. Deur Suzanne Kotzé.

29/04/2022

Hierdie blompotte wil gesien word

(en moenie skaam wees om sommer ’n hele paar saam uit te stal nie).

Organiese onperfekte vorms

Organiese vorms en groottes soos wat ons in die natuur kry, is die inspirasie agter hierdie trend en die blompotte van Hertex Haus vang dit perfek vas. Dit is van handgeblaasde glas gemaak en is effens ondeursigtig met ’n ‘frosted’ afwerking. Glas met hierdie tipe tekstuur-afwerking is groot nuus in dekor. 

Om dieselfde styl en materiaal blompotte in verskillende kleure en groottes te gebruik is ook op die oomblik baie in.

Stone Vase Oval in Fossil (R350), Stone Vase Belly in Nude Blush (R375), Stone Vase Rectangle in Deep Sea (R425), Stone Vase Round in Amber (R395) en Stone Vase Round in Mint (R295)
Coricraft Tall Wonky Vase (R699)

Gekleurde glas blompotte

Gedempte, rokerige kleure soos amber, grysblou, grys, swart en donkergroen is van die kleure wat gewild is. Hiermee saam is retro of mideeuse vorms ’n wenkombinasie.

@home Vase Ball Amber Glass (R199) en @home Vase Mid-Century (R249)

Jy kan blompotte ook leeg uitstal.

MØN Interiors Aivy Glass Vase (R200 en R130 elk)

Klassieke keramiek blompotte

Keramiek is klassiek, maar dit is vandag veral die handgemaakte gevoel wat keramiek skep, wat dit so relevant maak. 

Moenie bang wees om ’n paar van dieselfde blompotte in verskillende groottes te koop en dit saam te gebruik nie. Dit werk veral goed as jy enkele takke of blomme gebruik om ’n minimalistiese gevoel te skep.

Hertex Haus Nordic Vase in Claypot (R850, R425 en R595)

Verkies jy egter ’n meer minimalistiese en gladde voorkoms keramiek is die Dane Ceramic reeks van Country Road ’n goeie keuse.

Country Road Dane Ceramic Extra Small Vase (R199)

Oor ons

Stylvol sosiale media

Nog Stories
Jo-anne Strauss
Hakke-koningin Jo-Ann Strauss se skoenekas word georden
error: Content is protected !!