Van klein sportiewe 90’s-styl rame tot gekleurde lense en verskeie kat-oog-style; hier is die nuutste sonbril-trends vir somer. Deur Suzanne Kotzé
10 van die nuutste sonbril-trends vir somer
Sonbril trend-1: Gekleurde rame
Stranger Things aktrise Millie Bobby Brown (bo) het ’n spesiale kapsuleversameling sonbrille geskep saam met Vogue Eyewear; die MBB ex Vogue Collection
Kies gekleure rame met swart of bruin lense, of wees waaghalsig en kies gekleurde rame én gekleurde lense!
Sonbril trend-2: Plat bo-kante
Groot en klein rame met plat bo-kante skep ’n koel, sportiewe voorkoms.
Sonbril trend-3: Kat-oog
Die klassieke kat-oog is nou groter en ook kleiner as ooit. Van raamlose kat-oog rame, tot gekleurde lense, tot kleiner rame en sekfs oorgroot, die kat-oog bly altyd ’n goeie keuse. Dit is beslis een van ons gunsteling trends. Juis omdat dit nie sommer uit die mode sal gaan nie, sal ons belê in ’n goeie kwaliteit kat-oog bril.
Sonbril trend 4: Gekleurde lense
Of jy nou die wêreld deur ’n rooskleurige tint wil beskou of eerder sportiewe oranje, die keuses is eindeloos.
Sonbril trend-5: Klein, sportiewe 90’s-style
Dink aan daardie eerste Oakley-styl donkerbrille van die negentig en hoogmode was. Jip, dit is hulle! Effens langer en nouer as die style waaraan ons gewoond is en in ’n magdom verskillende kleure en lens-style. Die klein vorm mag wel vir jou vreemd voel as jy gewoond was aan groot brille.
Sonbril trend-6: Wit rame
As jy lus is vir iets anders as bruin of swart rame, maar gekleurde rame vir jou net te veel is, is wit ’n goeie keuse. Dit is steeds klassiek en neutraal, maar het tog ’n bietjie meer oemf.
Sonbril trend-7: Ronde briller
Groot of klein, en selfs ovaal ronde brille skep ’n koel en sjiek voorkoms. Raamloos, skilpad dop, swart, wit, gekleurd noem maar op, solank dit rond is!
Sonbril trend-8: Futuristiese raamdetail
Klassiek gevormde sonbrille word gemoderniseer met raam-detail, veral goud, wat dit dadelik meer hedendaags en amper futuristies laat lyk.
Sonbril trend 9: Dik, oorgroot rame
As die klein 90’s style rame nie vir jou is nie, sal jy baie van hierdie oorgroot-trend hou. Van sjiek Audrey Hepburn style tot Jackie Kennedy sewentigs, meer hoekige rame, hierdie is ’n trend waaroor ons mal is.
Sonbril trend-10: Raamloos met gekleurde lense
Hierdie styl herinner ons beslis aan die vroeë naughties! Deursigtige lense hierby is ’n wenner.
Watter van hierdie sonbril-trends gaan jy dra? Ons sal geld spandeer op een of dalk twee tipe style wat klassiek genoeg is om nie binne die volgende jaar of twee uit die mode sal gaan nie, en goedkoper style koop vir tussen-in dra. Van die style kan dadelik jou voorkoms nuut laat lyk.
Lees ook: Sakpas sonbrille
