Hierdie modegier is al ’n rukkie op my wenslysie, persoonlike bykomstighede met die voorletter van jou (of iemand spesiaal) se naam. Die alfabetbykomstighede is beskikbaar in allerhande bykomstighede -serpe, hangertjies, ringe en selfs sleutelhouers. Hier is ’n paar van die gunstelinge wat onlangs ons oog gevang het: Deur Justine Kroes
22/04/2022
Serpe
Serpe is iets wat ek nooit kan ophou versamel nie (selfs al dra ek dit nie naastenby genoeg nie!) Kyk net hoeveel pret is hierdie alfabetserpe van Mr Price – kleurvol en uniek, elk met ’n alfabet letter op. ’n Satynserpie bly maar net een van die veelsydigste bekomstighede – dra dit in jou poniestert, bind dit om jou kop, dra dit as ’n gordel om jou lyf, knoop dit aan jou handsak vir ’n tikkie kleur of dra dit eenvoudig om jou nek. Mr Price Satin Scarf (R69,99)
Hangertjies
Jy hoef natuurlik nie jou eie voorletter te kies nie, jy kan jou man, kêrel of selfs jou kinders se voorletters om jou nek dra.
Mr Price
’n Hele stelletjie met jou (of iemand spesiaal) se voorletters op die gestapelde hangertjie, ring en oorbelle. Hierdie is ’n lekker geskenkidee vir tiener-meisies!
Exclusivity by Design
’n Wonderlike deel van die alfabet-tendens is dat daar goedkoper en duurder opsies beskibaar is. As jy graag wil geld spandeer op ’n juweel-item wat jare lank sal hou, is hier ’n paar opsies vir jou.
Jenali Collection
Famke
Juweelontwerper Famke het ook ’n hele reeks van alfabet ontwerpe, van fyn hangertjies tot armband. Jy kan ook kies om ’n klompie letters op jou hangertjie by te voeg.
Kirsten Goss
Om haar dogter Farren se sestiende verjaarsdag te vier het Kirsten Goss die “Goldie Necklace” ontwerp – hierdie hangertjie simboliseer die delikate verhouding tussen Ma en dogter. ’n Korter hangertjie (ook in ’n armband beskikbaar) en elke letter word in hoofletters gedruk.
By Cara
Kyk hoe mooi is hierdie hangertjies van By Cara – jy kan sommer ’n klompie letters aan jou hangertjie dra; daar is plek vir almal – man en kinders of sommer net jou eie voorletters.
Oorbelle
By Cara Mini Monogram Hoops
Sleutelhouers
Ek het al hoeveel keer my man se sleutels gegryp in die oggend (hy het ook al dieselfde fout gemaak!) maar met hierdie oulike alfabet letter sleutelhouers sal ek nie sommer weer daardie fout maak nie.
Mr Price
Zara Sleutelhouer
Met hierdie leer sleutelhouer kan jy die letters apart koop, net jou voorletters, of as jy graag wil kan jy ’n volle naam of woord uitspel.
Sakke
MR Price
Wees meer omgewingsvriendelik en gebruik hierdie oulike alfabetsakke as geskenksakke wat ’n mens oor en oor kan gebruik om inkopies te doen.
Cotton On
By Cotton On kan jy selfs handsakke meer persoonlik maak – óf met ’n volle naam óf voorletters – plaas eenvoudig hierdie bestelling aanlyn.
