haardroogblaasfoute.
haardroogblaasfoute.

9 Grootste haardroogmaakfoute

Sukkel jy ook om ‘salonhare’ tuis te kry? Dalk is een van die haardroogmaakfoute te blameer, of dalk moet ons maar net aanhou droom van ’n stilis wat elke dag ons hare by die huis kan blaas. Deur Suzanne Kotzé

Haardroogmaakfoute

Kaapse haarstilis Charles Junior Louw deel hierdie foute wat hy vroue (en selfs anders stiliste) sien maak.

1. Jou hare is halfdroog as jy begin

As jy jou hare eers vinnnig met jou vingers effens droogblaas, behou jou hare sy vorm. Byvoorbeeld as jy krulle het, set die krul se vorm en dan gaan jy sukkel om jou hare reguit te blaas. Daarom is dit beter om jou hare van nat af te blaas. Behalwe as jy reeds reguit hare het.

2. Jy haal die ‘nozzle’ van jou haardroër af

Baie mense (en selfs haarkappers) maak die fout om die voorpunt (nozzle) van die haardroër af te haal as hulle hare droogblaas. Alhoewel jy die nozzle kan afhaal as jy vingerdroogblaas, moet die nozzle opbly as jy jou hare ‘blowdry’ want dit help dat die hitte meer gekonstreerd is op die seksie wat jy droogblaas en dat jou haarskubbe plat lê (en nie kroes nie).

3. Jy blaas nie jou hare droog genoeg nie

As jy die seksie hare wat jy droogblaas nie droog genoeg blaas nie gaan dit kroes. Blaas totdat dit blink en glad lyk.

4. Jy gebruik nie hittebeskerming nie

En onthou jy moet hittebeskerming nie net een keer gebruik nie, maar voordat jy enige hitte gebruik. Voordat jy dit droogblaas en dan weer voordat jy ’n haaryster of krultang gebruik. So jy moet twee keer hittebeskermingsproei aanspuit, al is dit direk na mekaar.

En moet dit nie net oor jou hele kop sproei nie, doen dit seksie vir seksie. Anders beskerm jy net jou boonste hare teen die hitte.

5. Jy is nie versigtig genoeg vir hitte as jy blond is nie

As jy gebleikte hare het, moet jy veral versigtig wees vir hitte, want te veel en te hoë hitte (niks bo 180 nie, maar verkieslik 160 tuis) kan jou hare laat breek.

6. Jy gebruik ’n borsel wat te warm word

Veral metaalborsels se binnekant word te warm en kan jou hare laat brand. Kwaliteit borsels is die moeite werd.

7. Jy gebruik haarpodukte wat silikoon bevat

Kyk na jou produkte se bestanddelelysie (veral as dit nie professionele haarpodukte is nie). Baie produkte bevat silikoon wat ook weer plastiek bevat. En al lyk dit dalk aanvanklik of dit jou hare mooi glad of blink maak, smelt dit in jou hare in en bly vassit op jou haarskag. Met tyd bou die produk op en laat jou hare leweloos, pap en vuil lyk.

8. Jy spuit inbly-opknapper tot op jou wortels

Spuit jou inbly-opknapper net midlengtes tot punte, anders gaan dit vinniger olierig word.

9. Jy wend haarolie aan op wegvlieg haartjies

Jy sien wegvlieghaartjies en jy dink jy wil dit tem met haarolie, maar soos met die opknapper, moet dit eerder gebruik word op midlengtes. Gebruik eerder ’n klein bietjie haarsproei op jou kam of vingers om daai haartjies te tem.

Stylvol gunstelinge:

Van ons gunsteling haarprodukte wat ons onlangs ontvang en getoets het

Vir volume
Authentic Beauty Concept
Authentic Beauty Concept Texture Spray (vanaf R460, uigesoekte salonne). Hierdie tekstuursproei laat jou hare beslis baie voller voel. Dit werk ook lekker as jy jou hare in ‘n styl wil stileer en jou hare gewoonlik te glad is om in plek te bly.
Label.M Volume Foam (uitgesoekte salonne) voel heerlik lig en gee wonderlike volume. Dit bevat kasterolie en vitamiene E wat jou hare bevogtig, terwyl dit volume gee. Jou hare voel ook nie taai nie. En die ligte roosgeur ruik heerlik. Dit bied ook UV bekserming.
ghd Root me Up (R360, ghdhair.com en uitgesoekte salonne). Hierdie is veral wonderlik om saam met die ghd Rise te gebruik. Dit werk fantasties om veral jou wortels te lig. Hierdie is my gunsteling kombinasie om te gebruik as my kleur begin uitgroei en my wortels net pap hang.

Inbly opknappers

Inoar Absolut Speed Blond Multifunctional Leave in Conditioner (R460, inoar.co.za en uitgesoekte haarsalonne) bevogtig en beskerm nie net jou hare nie, maar help ook om jou kleur te beskerm en korrigeer. Ideaal as jou hare bietjie geel begin lyk. Die heel Speed Blond reeks is wonderlik vir blondines of grys hare.
Inoar Absolut Day Moist Restorative Leave-in Treatment (R460, inoar.co.za en uitgesoekte haarsalonne) laat jou hare sag voel en blink lyk. Ideaal vir die met gekleurde hare wat droog voel en beskadig is.
Indola Moisture Spray (vanaf R260 uitgesoekte salonne) bevat jojoba olie wat help om jou hare te hidreer sonder dat dit olierig voel, en is wonderlik om van koeke ontslae te raak. Ma’s jy gaan dalk hierdie op jou kinders ook wil gebruik.
K18 Leave in Hair mask (vanaf R1068 vir 50ml, uitgesoekte haarkappers en aanlynwinkels soos retailbox) Hierdie is seker die produk wat ek die heel meeste gebruik. Dit is wel duur, maar jy spaar op opknapper, want jy was net jou hare. Wend hierdie (smeer een tot twee pompie in jou handpalms totdat dit wit en taai is) en wend dit aan jou hare. Wag vier minute voordat jy jou hare droogblaas. Ek glo hierdie produk help dat my gebleikte hare se toestand goed is, iets wat selfde gebeur as jy jou hare bleik.

Wella Elements Renewing Leave-in Spray (R380, modernhairbeauty.com) werk baie goed vir gekoekte hare en word van 99% natuurlike bestanddele gemaak.
Stylvol

Handige ekstra wenke en raad, spesiale afslag en wenke, slegs vir die binnekring.

Jou e-posadres sal nie gepubliseer word nie. Verpligte velde word met * aangedui

Oor ons

Stylvol sosiale media

Nog Stories
Salomé de Wet
Moet en moenies vir gebleikte blonde hare
error: Content is protected !!